الرئيس يعاتب رجال الدين بشأن أزمة الدولار: "إزاى متكلمتوش فى حرمانية هذا السلوك"

انتقد الرئيس عبدالفتاح السيسي، المسئولين عن الوعي الديني بمؤسساته المختلفة فيما يخص أزمة الدولار والمتاجرة فيه ومدى تحريم هذا الأمر قائلًا:"حتى الناس المسئولة عن الوعي الديني متكلمتش في حرمانية أي سلوك من السلوكيات.. دي مع الوضع في الاعتبار إن الأمور في الدول مش بالأخلاقيات والضماير.. بل الأمور في الدول بالأنظمة والقوانين.. عشان تكون الأمور واضحة".

وتابع السيسي، اليوم السبت، خلال فعاليات الندوة التثقيفية الـ39 بمناسبة الاحتفال بـ يوم الشهيد والمحارب، نقلتها قناة “إكسترا نيوز”: “النقطة دي غايبة عننا، كلنا مش عارفين هي حلال ولاحرام إللي بنعمله.. آسف إني بقول كده.. أنا مش بكلم كل الناس كده.. بقول إن في كتير مننا مبيخدوش بالهم”.

السيسى لتجار العملة: إللى جمعته بالحرام نار عليك

وواصل: "الكلام الي هقوله غريب أوي..  هما يومين كلنا هنقعدهم على وش الدنيا وهنمشي، إللي جمعته إن جمعته بالحلال نفعك، وإن جمعته بحاجة تانية هيبقى نار عليك، لو كنت بتؤمن إن في حساب وإن الكون ده ليه صاحب، وجابنا وبيختبرنا، إذا كنت بتؤمن بكده".

يوم الشهيد

ويشهد الرئيس عبدالفتاح السيسي، صباح اليوم السبت، فعاليات الندوة التثقيفية الـ39 بمناسبة الاحتفال بـ يوم الشهيد والمحارب القديم، تخليدًا لأرواح الشهداء والتذكير بالتضحيات التي قاموا بها في سبيل الحفاظ على الوطن.