بالفيديو..عزمي مجاهد لـ"عكاشة": "مين أنت عشان تحكم مصر"

شن الإعلامي عزمي مجاهد، هجومًا حادًا على الإعلامي توفيق عكاشة، قائلًا "عكاشة دكتور في ايه؟، دكتور في حتى؟، ده واحد خد ثانوية عامة في 5 سنين، وخلص معهد خدمة إجتماعية في 6 سنين، وطالع بمقبول، ياخد دكتوراه إزاي؟".

وتابع خلال برنامج "الملف"، المُذاع على فضائية "العاصمة"، "مين اللي كان بيبوس ايد صفوت الشريف في عهد المخلوع محمد حسني مبارك، دلوقتي نشتم ونتطاول على وزير الداخلية والجيش المصري، ورئيس المحكمة الدستورية، وتطاول على الشعب وتقول عليه غنم، ده ميصحش ومينفعش خالص".

وأضاف "ايه إمكانياتك عشان تبقى رئيس برلمان، مفيش حاجة بالعافية، ومين أنت عشان تحكم مصر، عمرك ما هتحكم مصر، ومتصدقش نفسك أنك عملت ثورة وبتاع، الشعب المصري هو اللي عمل الثورة".