برنامج «أنا والقناع».. خالد الصاوي: كنت خايف بعد العملية مقفش على رجلي في التمثيل

حل الفنان الكبير خالد الصاوي، ضيفاً علي برنامج "أنا والقناع"، مع الإعلامية مني عبدالوهاب، والمُذاع عبر فضائية "الحياة"، مساء اليوم الأحد، ليكشف عن عدد من كواليس حياته الفنية والشخصية.

وقال "الصاوي": "كنت خايف بعد العملية  مقفش علي رجلي في التمثيل تاني".

أكد الفنان خالد الصاوي، أنه حينما أصيب بالانزلاق الغضروفي في عام 2013 كان له بوادر قبلها بعامين وكان يتحمل الألم ويتعامل مع المرض بجنون، قائلًا: "كنت بقعد أقول لنفسي أني معجزتش وكانت نظرية غريبة لو جالي وجع اتحداه ولما تعبني قوي عملت عملية".

وأضاف أنه خاض عملية جميلة وناجحة وعاد لعمله وبعد 9 سنوات عاد التعب مجددا السنة اللي فاتت، ومن كتر ما أنا مضايق وقلت لو فتحت جراحة تاني فبقى الالم شديد وكنت بتحدى نفسي والوجع زاد لدرجة أني كان هيغمى عليا".

واستكمل: "فكرة أنى هخش تاني واعمل عملية جراحية موصلتش للمرحلة دي وبقول لنفسي أنا ممثل لازم اشتغل على إيد ورجل وعين وأنا مزعج حتى للي بيعالجني ورحت عملت علاج طبيعي ومش قادر استحمل".

وتابع: "فكرة أن السوق كله يعرف أني في حالة مش كويسة ممكن كنت أقعد في البيت وبيجيلي الهاجس ده كده وممكن اقعد في البيت وعندي كوابيس متكررة وأهم كابوس دلوقتي أني اكون على خشبة المسرح ومش جاهز".