بالصور: إبراهيم سعيد للأهلي: "انسحبوا ومتوجعوش دماغنا"

سخر إبراهيم سعيد، لاعب المنتخب السابق، من قرار النادي الأهلي بالانسحاب من بطولتي الكأس والدوري، وطالبهم بعدم العودة في القرار، والانسحاب من كل البطولات العربية والأفريقية.

وكتب إبراهيم سعيد تغريدة على تويتر: "أدعم قرار مجلس إدارة الأهلي بشدة بس اوعوا ترجعوا فيه..".

وقال: "أعتقد اتحاد الكرة كله هيتشال وهيوحشونا كتير".

وأضاف: "أدعم قرار مجلس إدارة الأهلي بالانسحاب من كل البطولات العربية والأفريقية والعالمية".

وسخر قائلًا: "هما زعلانين ليه مني لما مضيت للزمالك واتعمل محكمة رياضية لمدة ساعتين ولغوها بعد قرار إيقافي ٦ شهور وغرامة مليون و٧٥٠ ألف ولحد دلوقتي معرفش ليه".

وطالب إبراهيم سعيد الأهلي أن "انسحبوا ومتوجعوش دماغنا.. الأهلي بيتقمص كتير أوي الفترة دي".

وقال: "في الآخر هيبقي إيقاف شهر وخصم ٥٠٪ على الغرامة وخلص الحوار".

وأضاف "مش عارف مش مستحملين مني كلمة ليه.. خلاص عشان بيتقمصوا الأهلي جميل ولطيف تمام كده.. تاني الأهلي بيتقمص".