محمد على رزق: أكتر حاجة بخاف عليها فى حياتى هو ابنى
حل الفنان محمد علي رزق ضيفًا على البرنامج الإذاعي "شهريار زمانه" والذي تقدمه الإذاعية أميرة نور على "راديو النيل".
وتحدث محمد علي رزق- خلال اللقاء- عن العديد من كواليس حياته الشخصية وكذلك المهنية، ويرصد "الدستور" في السطور التالية أبرز تصريحات محمد علي رزق خلال اللقاء:
- أول حاجة هعملها وأنا شهريار هطرد مسرور الجبار عشان كل حاجة بالخناق إلا الحب بالاتفاق.
- لو هختار ممثلة تمثل شخصية شهرزاد هختار النجمة منى زكي.
- لو هختار ممثل يمثل شخصية مسرور هيبقي الفنان أحمد فتحي
- أسوأ حاجة ممكن تنهي العلاقة بين الراجل والست إن طاقة أي طرف من الأطراف تخلص.
- لو هختار حد من الفنانين يساعدني هيبقي النجم دياب.
- عمري ما أخدت قرار وندمت عليه.
- أكتر حاجة بخاف عليها في حياتي هو ابني يحيى.
- أنا اللي اديت مراتي باسوورد تليفوني.
- مراتي قابلة إني يكون عندي صديقات بنات لأنها بتثق فيا.
- أقرب طريق لقلبي الحنية ولو مزعل مراتي عندي ثقافة الاعتذار وكمان لازم أخرجها خروجة حلوة.
أحدث أعمال محمد علي رزق الفنية
يعرض للفنان محمد علي رزق في الوقت الحالي مسلسل "صيد العقارب" بطولة النجمة غادة عبدالرازق والمعروض ضمن ماراثون مسلسلات شهر رمضان الجاري.
ويعرض مسلسل صيد العقارب في تمام الساعة السابعة والنصف مساء، عبر قناة CBC، وقناة CBC دراما تكون الإعادة في تمام الساعة التاسعة والنصف مساء، كما يمكن مشاهدتها عبر منصة واتش إت الرقمية.
مسلسل "صيد العقارب" بطولة غادة عبدالرازق، رياض الخولي، سيمون، محمد علاء، أحمد ماهر، محمد نجاتى، مى القاضى، محمد على رزق، منال سلامة، عايدة فهمى، مجدى بدر، سامية عاطف، ميار الغيطى، صفاء جلال، عماد صفوت، أحمد ماجد، أحمد جمال سعيد، عزوز عادل، رحاب عرفة، سيف الديربى، محمد صلاح، ونخبة من النجوم، تأليف باهر دويدار إخراج أحمد حسن، وإنتاج شركة فينومينا.
