تعرف يارب.. عبدالفتاح العمدة
لو مهما قال اللي هيقرا شِعري ده أو مهما عاب
تعرف يارب..
أنا طاعتي ليك ما كانتش يوم خوف من عقاب
ولا حتى كانت رهبة من يوم الحساب
أنا طاعتي ليك طاعة مُحب وقلبه داب
لو حتى كان مقفول في وشي ألف باب
أو حتى بدعي ومهما بدعي الدعاء مش مُستجاب
أو حتى كان اليأس من أُم الحياة..
غارس في قلبي ألف ناب..
أو حتى طلعت كل أحلامي سراب..
برضو بحبك..
تعرف يارب..
أنا حد عاشق حضرتك.. وظني فيك فوق السحاب
ترويني أنهار رحمتك.. وأنا ظني فيك عمره ما خاب
أنا جي مدبوح باكتئاب.. من بعدي عنك قلبي شاب
أنا بس عندي لحضرتك همسة عتاب..
و"حضرتك" دي لو حرام.. فأنا قصدي وافر الاحترام
مش قصدي وصفك بالغياب..
إزاي سايبني في وسط بحر الدنيا بغرق
بسأل ومش محتاج جواب..
الناس هيقروا شعري ده ويستغربوا..
إزاي تكلم ربنا يابني كده.. يابني إنت لازم تُستتاب
توب يابني واعرف إيه حدودك في الكلام مع ربّنا
بس إنت أدرى بنيتي منّي أنا..
تعرف يارب..
لو عشت مية مليون سنة..
هفضل أطيعك وأعبدك فوق العبادة المُمكنة
هفضل أطيعك وأعبدك.. لو حتى كان من غير ثواب..
بس إنت ترضى
