شكرًا للدراما.. مواقع التواصل تشيد بأداء مني زكي في "تحت الوصاية"

تفاعل رواد وسائط التواصل الاجتماعي مع الحلقة العاشرة من مسلسل تحت الوصاية والتي فجّرت عاطفة الأمومة لدى الفنانة منى زكي والتي تقوم بدور حنان خلال بحثها عن ابنها ياسين الذي فرّ هاربًا منها في أحداث المسلسل الرمضاني.

مسلسل تحت الوصاية الحلقة 11

يقول حساب باسم أنجيل جمال بمنشور عبر حسابها بموقع فيسبوك:"مسلسل تحت الوصاية وإنت بتتفرج عليه هياخد مشاعرك وهتتعاطف مع كل موقف بيحصل مع حنان عشان حنان موجودة زيها في مصر كتير اللي بيحصل في مسلسل تحت الوصاية مش تمثيل.. مسلسل معمول عشان نشوف نفسنا عشان كل ظالم يشوف نفسه عشان كل اللي بياكلوا مال اليتامى يشوفوا نفسهم عشان كل مفتري بيجي على ست يشوف نفسه وعشان كل راجل بيستغل ظروف ست ويضياقها يشوف نفسه شكرًا للدراما اللي لسه مهتمة بمشاكل الأغلبية الساحقة من المصريين".

بينما قال تعليق آخر باسم أحمد فؤاد:"‏حلقة العاشرة  من تحت الوصاية حزينة أوي، حزينة بشكل بشع، حلقة تبكي الحجر بجد.. مشهد لما ياسين رجع لـ أمه صعب جداً، مشهد إنتظارها إنه هيرجع أو مش هيرجع يبكي أكتر.

مشهد لما قعدت تتكلم معاه بعد ما رجع و أخدته تجيبله كوره يبكي أكتر و أكتر..حلقة عظيمة من كل الجهات ... شد أعصاب و أداء تمثيلي رهيب من الكل، بداية و إنفجار أحداث، و نهاية إنسانية سابتنا بـ بسمة خفيفة بعد شد طوال الحلقة..حتى الكادرات و الديالوج في السيناريو و الحوار، أنا مش متخيل إن المسلسل ده معمول ١٥ حلقة بس خلص منهم ١٠ ".

وقالت إيمان عثمان:" مشاهد بسيطة خلت ناس تعيط كتير.. اللي عيط عشان عنده اولاد وحط نفسه مكانها.. اللي عيطت عشان عايشة نفس حياتها وخوفها بتفاصيل مختلفه .. اللي عيط عشان خوفه علي  الطفل من مصير مجهول بين اب ميت وام مطحونة".

اقرأ أيضاً

مسلسل تحت الوصاية الحلقة 11.. مني زكي تلجأ لمربية من أجل أولادها

أضاف:"الحقيقة ان المشاهد دي بتفاصيلها وتصويرها وفنانيها كانت لوحة فنية متكاملة النهاردة".