"حبر سرى"|تامر حبيب: الست أهم من الرجل.. والزواج مؤسسة فاشلة (فيديو)

قال السيناريست تامر حبيب، إنه يؤمن بالمساواة بين الرجل والمرأة وإن كان يرى أن المرأة أهم من الرجل، قائلًا: "أنا شايف الست أهم ألف مرة من الراجل، لأنها هي اللي بتعمل الراجل وكلنا اللي عملتنا أمهاتنا وكل راجل طلع عامل إزاي هو صورة عن تربية أمه".

الزواج مؤسسة فاشلة

وعبر تامر حبيب، خلال حواره ببرنامج "حبر سري"، مع الإعلامية أسما إبراهيم، على قناة القاهرة والناس، عن رفضه فكرة الزواج وأنها مؤسسة فاشلة، مضيفًا: "أنا شايف الجواز مؤسسة اجتماعية فاشلة ولو جه نصيبي في الجواز زي القطر هتجوز مجاش خلاص، وعندي ناس أعرفهم عندهم موضوع المساكنة ولكن دفن الرأس بتاعتنا زي النعام مليش دعوة به".

هجوم السوشيال ميديا

وتابع: "جزء من مهنتنا نقف في وش المدفع ونتكلم على المسكوت عنه ودي نماذج في حياتنا ولو قعدت أعمل حساب للهجوم على السوشيال ميديا مش هعيش حياتي وطظ في الناس دي".