بهاء سلطان يطرح أغنيته الجديدة «أنا غلطان» (فيديو)
طرح المنتج الغنائي نصر محروس، أغنية جديدة بعنوان أنا غلطان" ضمن أغنيات ألبوم النجم بهاء سلطان الجديد الذي يحمل اسم “سيجارة” وذلك عبر موقع الفيديوهات الشهير “يوتيوب”.
وتعد أغنية “أنا غلطان” هي الأغنية الخامسة من ألبوم “سيجارة” وتعاون فيها بهاء سلطان مع كل الشاعر الغنائي والملحن عزيز الشافعي، والموزع الموسيقي طارق حسيب، ومهندس الصوت هاني محروس، وتم تسجيل الأغنية داخل ستوديو “إم ساوند 1”.
كلمات أغنية “أنا غلطان”
وأنا غلطان عشان حبيت وبينت إهتمامي بيك
عشان كدة يعني بقيت ما أنفعشِ
ومن نظرك نزلت مابقيتش لايق ليك
وكان مفروض ما أحبكشِ
ولو حبيت ما أبينشِ
ودلوقتي خلاص همشي أنا وقلبي اللي دايب فيك
وليه طيب عشان طيب
عشان يعني اللي في قلبي على لساني
بتكسرني وتخسرني
بتخسر حب مش سهل تلاقيه تاني
مفيش أسباب
أنا اللي اختارت من الأول أعيش في عذاب
ألومك ليه وأقولك إيه
ما أنا اللي جريت ورا وهم وطلع كداب
تعبت كتير وبتألم
يا رب أفوق وأتعلم
ومن بكرة أنا وانت هنتقابل ولا الأغراب
مفيش أسباب
أنا اللي اختارت من الأول أعيش في عذاب
ألومك ليه وأقولك إيه
ما أنا اللي جريت ورا وهم وطلع كداب
تعبت كتير وبتألم
يا رب أفوق وأتعلم
ومن بكرة أنا وانت هنتقابل ولا الأغراب
أغنيات ألبوم بهاء سلطان الجديد “سيجارة”
وكان بهاء سلطان طرح الأيام الماضية رابع أغنيات الألبوم بعنوان “ده حب ولا” وهي من كلمات نصر محروس وألحان عزيز الشافعي وتوزيع جيزو وميكس وماستر مهندس الصور هاني محروس وتم تسجيل الأغنية في ستوديو “إم ساوند 1”.
فيما طرح النجم بهاء سلطان الفترة الماضية ثلاث أغنيات من الألبوم الجديد هم فيديو كليب أغنية “تعالى أدلعك” والذي نجاحا كبيرا، وأغنية “عاملين الصح” وأغنية ليالي طويلة".
