محمد عز ينعى مدير أعماله: قسمنا الرغيف والسيجارة والفلوس
نعى الفنان محمد عز مدير أعماله مينا نور، والذي وفاته المنية صباح اليوم الخميس بشكل مفاجئ.
ونشر عز صورة جمعته بمينا وعلق وقال: "أول ما اشتغل معايا قلتله أنا أجرى ضعيف معييش فلوس أديهالك. قالي أنا بحبك وعاوز أشتغل معاك وأنا معاك علي الحلوة والمرة".
وأضاف: "وكان قد كلمته في الحلوة والمرة في ضهرى وفي كتفى لو نجحت يطير من الفرحة، ولو وقعت أو الأيام ضيقتها علينا كان أول واحد يقومنى على حيلي، قسمنا الرغيف والسيجارة والفلوس، أما كانت تزنق معايا كان يروح يستلف ويدينى ويقولي لازم يبقي شكلك كويس قدام الناس، كان بيتقطع لو حد أكل حقي وكان ممكن يعمل المستحيل عشان حقي يرجعلي".
وأستطرد:"أقسم بالله كان يطلع اللقمة من بقه ويديهالي، كان مآمن فيا ومصدق إنى هنجح وكان دايما يقولي أنا هبقي مدير أعمال أهم ممثل في مصر وكنت بضحك وأقوله مش قوى يا عم كان يقولي هتشوف مكنتش بفكر في حاجة ولا يشغلنى شئ طول ما هو موجود جنبي، ألف رحمه ونور عليك يا حبيبي وأخويا وصاحبى".
واختتم:"متقلقش اللي حلمنا بيه هعمله عشان خاطرك انت بسن والله انت أكتر إنسان حبيته يا مينا، أرجوكم ادعوله، ادعوله كان جدع وراجل مع كل الناس."
