محمد المعتصم يكتب: يوميات رمضان.. ظهور منسى وطاقية عمرو عبد الجليل

الاختيار.. كل المليارات التي أنفقتها قطر وتركيا لتشويه الجيش ضاعت أمام عمل درامي واحد.. المجد لقوة مصر الناعمة

الاختيار.. ظهور لقطات حقيقية لمنسي في تدريبات الصاعقة كانت خير ختام للحلقة 
الاختيار.. الإعلام التركي الناطق بالعربية يمارس نفس المنطق القديم بتاعة أولى إعدادي "الشنطة فيها كتاب دين" وازاي بتطلعوا الإرهابيين بدقن.. حاضر هنلبسهم بابا نويل المسلسل الجاي
الاختيار.. مع كل مشهد من المسلسل يشعر المصريون بالفخر والإعلام التركي بالضآلة 
الاختيار.. هجوم أبناء وأحفاد الإرهابيين على المسلسل يتطلب إنتاج أعمال أخرى عن خالد مغربي وشبراوي وقائمة طويلة من ضباط الجيش والشرطة 

إعلان "عادي" عادي وتكراره جعله سخيف 
إعلان "أبو" مبهج

رجالة البيت.. نفسي أضحك على إيفية 
رجالة البيت.. هو فيه حد فاكر إن شرب مية النار بتخلص الجسم من الفيروسات إيفيه يضحك 
رجالة البيت.. كنت أعتقد ان أكرم حسني أذكى كوميديانات جيله حتى شاهدت رجالة البيت

النهاية.. الروبوت صحى ناهد السباعي وعملها الفطار وقالها إنه سابها تنام علشان تعبانه.. الريبوت ده مش معمول علشان ينقذ العالم ده تخصص "محن" 
النهاية.. الروبوت بعد ما الفطار ما عملش مفعول مع ناهد السباعي جاب لها ورد وعمل فيها رومانسي ومد إيده يشيل الواد.. فاتخنقت أكتر وقالت له "منك لله"، وطبعا ما ردش عليها.. ودي مشكلة لازم صناع الروبوت ياخدوا بالهم منها لأن فيه هرمونات خناق لازم تطلع

"الارتباط ده عايز طاقة مش موجودة عندي.. النوم أفيد" إيمان السيد – ونحب تاني ليه 
روجينا في "البرنس" وسهر الصايغ في "النهاية" وياسمين عبد العزيز في "نحب تاني ليه" وأيتن عامر في "فرصة تانية" ونيللي كريم في "100 وش" من أفضل الوجوه النسائية

البرنس.. كلاكيت تاني مرة محمد رمضان بيعرف يمثل في وجود محمد سامي 
البرنس.. نجلاء بدر لقيت صورة نور في بنطلون جوزها وراحت لأهلها وجوزها قالها إنه مش هيضحك عليها ويقولها إنه لقي الصورة وباس دماغها وإيدها وصالحها 
البرنس.. رمضان عمل حادثة من تدبير إخواته بعد ما قرر يرجع لهم الورث

خالد سرحان ضرب ابنه بالقلم في "خيانة عهد"، وأحمد مجدي ضرب محمد جمعة بالروسية في "فرصة تانية"
نجلاء بدر انضمت للطابور اللي رضوى الشربيني هتجري وراهم بتوكة الحزام بعد رمضان
فرصة تانيه.. زياد قرر يستغل إن ملك فقدت الذاكرة وعرض عليها مشروع وافقت عليه وضمته للفريق بتاعها
فرصة تانيه.. والد ملك تعاطف مع زياد ووالد زياد اتفاجئ لما ملك خبطت عليه في البيت

النهاية.. حاسس إن طاقية عمرو عبد الجليل هي اللي هتنقذ الكوكب