تامر حسنى يدعم رامى جمال بعد إعلانه إصابته بمرض البهاق
حرص الفنان تامر حسني على دعم المطرب رامي جمال ومساندته، بعدما أعلن الأخير عن إصابته بمرض البهاق، مما أثار ضجة كبيرة من تعاطف محبيه وأصدقائه داخل وخارج الوسط الفني.
وشارك "تامر" صورة له عبر "فيس بوك" وعلق قائلًا: "إلى الفنان الكبير والصديق الحقيقي والمحترم رامي جمال.. يا حبيبي أنت فنان كبير ومحبوب وليك قيمتك، وكل الناس بتحبك ومفيش حاجة هتعطلك عن نجاحك، وتعبك دا لا هو مؤذي ولا مُعدي وكل الناس جواها تعب، في منه اللي ظاهر وفي منه اللي مش ظاهر، حتى لو كان تعب نفسي أو مادي كل شخص جواه وجع من حاجة معينة".
وأضاف: "المهم أننا نبص ونتعلم من اللي ظروفهم أصعب مننا، ورغم كدا عندهم صبر وبينجحوا في الاختبار وبيقولوا الحمد لله ومكملين وعندهم إرادة وبينجحوا أكتر من الأول، لازم تكمل نجاح يا رامي وشيل أي هلاوس من دماغك وأوعى تخبي نفسك، اللي بيحبك بيحبك لشخصك وفنك، صدقني دي حاجة عادية يا رامي، والله ملهاش أي تأثير لا عليك ولا على جمهورك، بالعكس بقى أنت أكيد شايف الناس كلها طيبين أزاي ونفسهم يفرحوك".
وتابع: "و بعدين افتكر أن مايكل چاكسون جاله نفس اللي جالك، وبقى أسطورة مبتتكررش خاص، وأنت فنان وعارف.. أنا واثق أنك مؤمن وبتحمد ربنا وهتقوم وهتكمل وهفكرك قدام كل الناس اللي شايفه كلامي أنك هتنجح أكتر وأكتر وربنا هيكرمك أجمل كرم وهتشوف قريب، بحبك يا رامي".
