ياسر جلال يكشف تفاصيل شخصيته فى مسلسل "جودر"
تحدث الفنان ياسر جلال عن شخصيته في جودر، قائلًا: "أنا شكل وشي بيبي فيس شوية والذقن غيرت شكلي وأدتني سني وساعدتني أعمل أدوار حلوة وأكشن".
وأضاف "جلال" خلال حواره لبرنامج "الراديو بيضحك" على إذاعة "الراديو 9090": "أول حاجة بعملها بعد ما أخلص تصوير المسلسلات أحلق ذقني وأختفي، أما عملت شهريار وبنفكر هنعمل الشخصية إزاي".
وتابع: "حلقت ذقني وصبغتها أول ما دخلت عليهم في البروفة اتخضوا أول ما شافوا شكلي ومعرفونيش واتفزعوا جدًا أما شافوني".
واستكمل: "الشكل مساعد مع الرياضة ولا أغل ولا أكره علشان اللي في القلب يطلع على الوش".
