"أنا والقناع".. شيرين رضا: "أحمد زكي واحشني جدا"

حلت الفنانة شيرين رضا، ضيفة على حلقة اليوم من برنامج "أنا والقناع"، مع الإعلامية مني عبدالوهاب، والمُذاع عبر فضائية "الحياة"، مساء الأحد، لتكشف عن عدد من كواليس حياتها الفنية والشخصية.

وأكدت، افتقادها الشديد للفنان الراحل أحمد زكي والجلوس معه، قائلة: "افتقدت أحمد زكي ووحشني قوي، وكنا أصحاب، وكنت بحب أروح أقعد معاه ونتكلم مع بعض".

وأضافت: "مرة رحت أقعد معاها وزرته في البيت، وكنا هنتغدى ونتفرج على فيلم السادات والفيلم طويل، وهو مهتم جدا بكل تفصيله عملها وقعدنا نتفرج على الفيلم 6 ساعات وكل شويه يوقف ويشرح كل مشهد وكان بيحب إللي بيعمله وكنت على طول معاه في الاخر ".

وأشارت إلى أنها لا تحب لبس قناع الزعل، متابعة: "مش بحب النكد وليا واحدة صاحبتي كانت عزيزة عليا ووقعت في نظري بسبب التصرفات ولما حد بيجرحني بمشي واللوم يكون لما تفرق معايا، وأحب اشوف الجمهور شايفني ازاي ولازم يفرق معايا الناس شيفاني إزاي وأنا في المجال ده عشان الناس".