كلمات أغنية عمرو دياب الجديدة «اللى يمشى يمشى»
أطلق الهضبة عمرو دياب أغنية سينجل جديدة «اللي يمشي يمشي» كلمات تامر حسين، لحن مدين، توزيع توما، ميكساج وديجيتال ماستر أمير محروس عبر تطبيق أنغامي الموسيقي.
ويبحث الجمهور عن كلمات أغنية «اللي يمشي يمشي» وموعد إطلاقها عبر موقع الفيديوهات يوتيوب وخلال التقرير التالي ننشر كلمات أغنية الهضبة عمرو دياب الجديدة.
كلمات أغنية اللي يمشي يمشي
تقول كلمات أغنية اللي يمشي يمشي لعمرو دياب:
اللي يمشى يمشي
عيني على ناس أمِنتها
إتأذيت مِنها بعدها
نزلوا مِن نظري
مش حاقول عُذري
دول عالم عارفه نفسها
قلبي ولا طيبته نِفعته
واللي يوم سِكنُه موته
دُنيا بتعري
ياما بتوري
كله على قد نيته
اللى يمشى يمشي زي بعضه
يبقى فضي سكة للي بعده
في الندالة ناس كتيرة عدوا
دول ماشاء الله
حُب مِين ده كله منفعه
كله بقى عنده أقنعة
مين بقى برىء مين إدعىّ
مين حاتستثناه ؟
اللى حبونا مثلوا
واللى وعدونا كسلوا
يوفوا ب وعودهم
و الله يسعدهم
واللى له طريق يكمله
اللى ملىّ ايده مِننا
إفتكر نفسهُ حلمنا
فِهمهُ على قده
الغرور واخده
لِسه ماعرِفش طبعنا
اللى شاف نفسه وإفترىّ
واللى بيبيعنى فى الدرىّ
واللى مديت له
إيدي وصفيتله
طبعه هو المُشكلة
أرمي ورا ضهرى كُل ده
ايه اللى يجبرنى على كده
ياللا أشوف نفسي
حبة مِن نفسي
فى إختيار أحلى مِن كدة ؟
كان الهضبة عمرو دياب طرح أغنيته الأولى باسم هتدلع بعد عيد الفطر المبارك وتأتي أغنية «اللي يمشي يمشي» كثاني أغاني ألبومه الجديد، حيث تصدر الهضبة تريند موقع "تويتر" عقب طرح أغنية "هتدلع" والتي كانت من كلمات محمد القاياتي، لحن محمد يحيى، وتوزيع أحمد ابراهيم .
