تامر حسنى ينشر صورًا من كواليس فيلمه «بحبك».. ويعلق: «دراما رومانسية مختلفة»
نشر نجم الجيل تامر حسني صورا من كواليس فيلمه الجديد "بحبك"، الذى يجمعه مع هنا الزاهد، حيث يأتى الفيلم بعد النجاح الكبير الذي حققه حسني فى فيلمه "مش أنا".
وعلق النجم تامر حسني على الصور، قائلا: «مساء الهنا على زغلى ناس على قلبي انا، دي صور من أول يومين تصوير لفيلمنا الجديد (بحبك)، طبعًا فيه ناس هتقرا اسم الفيلم بحبِك وناس هتقراه بحبَك، دا طبعاً مقصود عشان في دراما الفيلم هنبحث طول الوقت عن مدى صدق كلمة بحبِك من الرجل للأنثى و بحبَك من الأنثى للرجل في أحداث فعلاً محيرة جداً».
وتابع تامر:«الفيلم أكيد فيه ضحك بس في إطار رومانسي بحت مش موجود بقاله كتير، اتشرفت بمشاركة نجمة اليوم والمستقبل الجميلة هنا الزاهد ومبسوط إني أول من اكتشفها في بداية حياتها وفي الفيلم دا بكتشفها تاني ويقدمها بشكل جديد عليها وعليكم، ومبسوط جداً لمشاركة حبيب قلبي نجم الكوميديا الكبير حمدي المرغني اللي هيعمل إن شاء الله شغل رهيب في الفيلم كعادته الجميلة، وللأسف لسه مصورش علشان أنزل صوره بس في أول يوم تصوير له ههريه صور».
واستكمل تامر قائلا: «انتظروا بعد أيام انضمام نجمة جميلة مميزة من نجوم المستقبل اللي هيكون ليها مستقبل كبير إن شاء الله، وفرحان جداً بانضمام الفنان الموهوب أوي مدحت إسماعيل اللي عامل دور زي العسل وربنا يكتبلك فيه كل النجاح ويكرمك ويكرمنا معاه».
واختتم تامر حسني قائلا: «الفيلم من إنتاج حبايب قلبي وأصدقاء العمر سينرچي أحمد بدوي، تي إيتش برودكشن حسام حسني، سكاي ليميت أحمد الدسوقي».
جدير بالذكر، أن النجم تامر حسني حقق نجاحاً كبيراً فى فيلمه الأخير "مش أنا"، وتجاوزت ريراداته نصف المليار فى مصر والوطن العربي.
