محمود ياسين «جونيور»: «سلام أكثر دور مهم في حياتي الفنية»

تحمس الفنان الشاب محمود عمرو ياسين، الشهير بـ"جونير"، لدور "سلام" بمجرد ترشيحه من قِبل المخرجة شيرين عادل، متابعًا: “أكتر دور مهم في حياتي، ومن أكثر الأدوار اللي كنت حاسسها وانا بعمله، كنت حاسس الشخصية بجد وكأني انا بالظبط”.

وتابع ياسين في تصريحات خاصة لـ"الدستور": "النجاح الأساسي للعمل واقف على صنّاعه، وأنا أول ما لاقيت الأستاذة شيرين عادل ورانيا فريد شوقي، وأحمد وفيق، والمؤلف عمرو الدالي، قولت هيبقى عمل عظيم ووافقت فورًا".

وأضاف: "اتبسطت جدًا بالشغل مع الجميلة اللي اتعلمت منها حاجات كتير جدًا الاستا ذة الكبيرة شيرين عادل، والاستاذ أحمد وفيق والجميلة رانيا فريد شوقي اللي كنت بحس إنها أمي بجد، كان حظي حلو فعلًا بالتعامل مع كل كرو الحكاية، ناس فاهمة والكواليس كانت حلوة جدًا، وكلنا كنّا بنساعد بعض وكل الناس بروفيشنال في التعامل ومفيش غيرة ولا اي حاجة بالعكس يعني كلنا نفسنا نظهر في أحسن حاجة والعمل يننجح".

وعن ردود الأفعال، قال الفنان الشاب محمود عمرو ياسين: "الحمد لله انا كنت مبسوط جدًا برد فعل الناس، حتي لما اتعمل عليا كوميك انا كنت بضحك وقتها وفرحت إن الناس اتأثرت بالشخصية سلام". 

حدوتة "أم العيال" 

حدوتة "أم العيال" بطولة رانيا فريد شوقى، أحمد وفيق، محمود ياسين الشهير بـ"جونيور"، رضوى جودة، ضياء الميرغنى وعدد من الفنانين الشباب، وتأليف عمرو الدالى وإخراج شيرين عادل، وظهرت الفنانة رانيا فريد شوقي متزوجة ولديها 7 أبناء، وتعرضت للضرب والإهانة بشكل دائم من زوجها، حيث استولى على أموالها وهو وعالة عليها وعلى الأبناء.

والموسم الثاني من مسلسل "زى القمر" عرضت منه على مدار الأسابيع الماضية حواديت "غالية" بطولة درة، و"واحد فى المية" بطولة صابرين، و"عقبال عوضك" بطولة مى كساب، و"اللى خلف مامتش" بطولة سوسن بدر، و"مش مبسوطة" بطولة داليا مصطفى وبشرى، و"فوتو شوب" بطولة ملك قورة "ان كبر ابنك" بطولة وفاء عامر، و"حتة من القمر" بطولة لقاء الخميسي، وحدوتة "أم العيال" هي الحدوتة الـ9 من الموسم الثاني للمسلسل.
حدوتة "أم العيال" بطولة رانيا فريد شوقى، أحمد وفيق، محمود ياسين الشهير بـ"جونيور"، رضوى جودة، ضياء الميرغنى وعدد من الفنانين الشباب، وتأليف عمرو الدالى وإخراج شيرين عادل، "الدستور" تواصل معهم للحديث عن الحكايا والقضايا التي ناقشتها الحكاية.