سارة نخلة: عضنى كلب ولو فى بلد تانية كان زمانى مسعورة

كشفت الفنانة السورية سارة نخلة عن تعرضها لـ"عضة كلب" وتواجدها بمستشفى الشيخ زايد التخصصي، ومقابلتها أحسن معاملة دون التعرف عليها أو معرفتها مشيدة بالمستشفيات الحكومية المصرية وباستقبال مصر للأشقاء العرب.

وقالت سارة عبر "فيس بوك": "أنا الصبح عضني كلب هو آه صغير.. هو كلب صاحبتي أكيد مش كلبي عشان في ناس افتكرت كلبي، المهم العضة ورمت وروحت مستشفى خاص قالولي مش موجودة الحقنة ولازم أروح مستشفى حكومي المهم روحت مستشفى زايد التخصصي دخلت أقسم بالله خمس دقايق طوارئ أدوني الحقنة وفاضل لسة أربعة وادوني ورقة فيها مواعيد الحقن الباقية ولا مليم ولا مليم يا جماعة ومستشفى محترمة ودكاترة عارفين ربنا بجد ولا يعرفوني أصلًا عشان محدش يقولي عشان إنتي ممثلة وكنت حاطة كمامة طول الوقت أصلًا أنا بس عايزة أقول تحيا مصر ألف مرة ألف مرة أقسم بالله لو أي بلد تاني زماني كنت مسعورة وراقدة جنب الكلب بهوهو وبتعشى  معاه دراي فود".