الخميس.. أحمد خطاب يوقع «سيرة بني آدم» بمكتبة الزاوية الحمراء

ينظم الشاعر أحمد خطاب حفل توقيع ديوانه الرابع "سيرة بني آدم" الصادر عن دار "فهرس" للنشر والتوزيع، في التاسعة مساء الخميس المقبل، وذلك ضمن فعاليات معرض دار فهرس بمكتبة الزاوية الحمراء.

وقال خطاب عن الديوان في تصريحات سابقة لـ"الدستور": "ديوان سيرة بني آدم يحكي عن بداية الكون مرورا بالصراعات والحياة وصولا لنهاية الكون ويضع القارئ فى التخيل إذا كان القارئ أول بشر على الأرض، ماذا كان سيفعل؟

ومن أجواء الديوان نقرأ :

هتصوَّرِك

زي القصيدة فى جسمي قبل ما تنطلق وتصير كلام

هتصوَّرِك أحلام

وأنام.

وفي مقطع شعري آخر يقول خطاب:

أول حقيقة فى الحياة .. كلمة
أول حبيبة يجوز مجرد حلم
أول صراع للخير قصاد الخير
أول هزيمة الخير
قرر يكون الشر
أول أسامي كانت الجنة
خرجنا منها عرفنا كلمة نار
أول نهار فى الدنيا كنتى انتى
أول قمر شوفناه كأنه نهار
ِ
أول مطر ع الأرض نبِّتنا
ِأول نبات كان بيت وضِل وخِل
أول طريق مشيناه مالوش آخر
ِّأول وصول بينسي طول الطريق
أول صديق كان مكسب الدنيا
أول خسارة تملِّي تبقى صديق

ويقول في قصيدة أخرى:

الوقت ده مش وقت شِعر
مش وقت حكمة أو خيال
مش وقت تفكير فى اللى كان
ولا حتى تفكير فى اللى جاي
مش وقت حب وكره وصبر ومعانده
مش وقت ظلم وعدل ومسانده
وقت وزن وقافية آخرها " ده "
الوقت ده وقت وقته
وقت لحظة حالية
وقت كون
وقت أكون
وقت مايهموش ظنون
وقت مافيهوش ذكريات
وقت مش هيبقى اللى فات
وقت مش هيبقى اللى جاي
وقت بس
وقت فيه الكلمة ممكن تبقى نَصْ
وقت صمت
وقت فرد
وقت من غير الونس
وقت من آخر نَفَسْ
وقت آخر وقت ليك
وقت آخر وقت ليا
وقت آخر وقت
وقت آخر
و
   ق
         ت

أما عن أحمد خطاب فهو شاعر مصري صدر له، صدر ديوانه الأول عنقود حياة عام 2012 عن هيئة قصور الثقافة، وصدر ديوانه الثاني سمفونيات عام 2016 عن الهيئة العامة للكتاب. وصدر ديوانه الثالث وكانت وحدها الجمهور عام 2018 عن دار عابر.