عمرو محمود ياسين: أغانى المهرجانات تبهج مستمعيها

أعرب المؤلف عمرو محمود ياسين، عن تأييده أغاني المهرجانات، ووصفها بأنها تُدخل البهجة والفرح على قلوب مستمعيها، وأنها لها شكل خاص وحققت نجاحًا كبيرًا.

وشارك عمرو محمود ياسين منشورًا له، عبر صفحته على "فيسبوك"، قائلًا: "طبيعي جدًا الناس لما بتغني وبترقص وتضحك بتتبسط وبيحسوا بنشوة.. بيبقى مود شكله كدة.. والبني آدم بشكل عام بيبحث طول حياته عن إحساس السعادة".

وتابع: "أغاني المهرجانات اللي فيها كلمات ليها شكل مختلف، وكذلك توزيع مختلف، بترقص الناس وبتعمل حالة وقتية ظريفة.. وده ملوش علاقة خالص بإن نفس الناس اللي بتسمع مهرجانات قد تطرب لصوت شيرين أو أصالة أو يتفاعلوا بقوة مع أغاني عمرو دياب".

وأضاف: "أغاني المهرجانات نجحت ولها ستايل وشكل خاص بيها، مش شايف أي داعي للهجوم عليها وفي نفس الوقت أتمنى الإعلام مايدهمش برضه أكتر من حقهم يعني".