بعد إصابته بالبهاق.. الفنانون يدعمون رامي جمال
وجه العديد من الفنانين الدعم لرامي جمال بعد إصابته بمرض البهاق الذي يعاني منه منذ أكثر من عام.
وعلّق الفنان الشاب حمدي الميرغني على خبر مرضه، معلنا دعمه الكامل والوقوف بجانب النجم لرامي داعيا له بالشفاء، عبر موقع التواصل الاجتماعي "انستجرام": "ربنا يشفيك يا رامي ده مش حاجة أصلا.. ده الصداع أصعب منه ياخويا الناس كلها بتحبك.. وكل ما تشوفني أحمد ربنا واعرف إنك في نعمة".
وعلقت الفنانة زينة له على موقع التواصل الاجتماعي انستجرام: "إنسان محترم ربنا يعفوا عنك...للاسف احنا في دنيا مابترحمش والنَّاس بقت صعبه ياريت نحاول يكون في قلوبنا رحمة.. انت موهوب يمكن أنا متشرفتش بمعرفتك بس قلبي معاك واوعي تفكر تتهزم ده مرض عادي وربنا يعفوا عنك وقول الحمد لله والنَّاس الرحيمة كتير واعتبرني من أهلك والإنسان بموهبته واحترامه وأخلاقه وبس".
ونشرت "راندا" صورة لرامي عبر حسابها الشخصي على موقع التواصل الاجتماعي "انستجرام"، وعلقت عليها: "الحمد لله علي كل شئ.. أنا بحبك أوي يا رامي وأنت أكيد عارف ده.. ربنا يقدرك علي اللي هتشوفه أكيد من المجتمع".
ويأتي هذا عقب إعلانه عن مرضه على الموقع ذاته "انستجرام" وقال: "الحمد لله الذى أحبنى فابتلاني وأقدرني على الصبر.. من فترة ظهرت بقع بيضا في جسمي وبالكشف عرفت إنه مرض البهاق وجربت أنواع علاج كتير ودكاترة كتير ومفيش فايدة، ورضيت وسلمت أمرى لله عشان عرفت إن الزعل بيزوده وكفاية شغلانتى وصعوبتها والقلق الدائم من المستقبل".
