فيديو..أحمد آدم ساخرًا من "محمد سلطان": "كل المناضلين معاهم باسبور أمريكا"
سخر الفنان أحمد آدم، من الناشط الإخوانى محمد سلطان، الذى تخلى عن الجنسية المصرية من أجل الإفراج عنه،وترحيله الى امريكا ، قائلًأ "الناس اللى عمالين يهللوا لمحمد سلطان الإخوانجي ابن الإخوانجي، اللى قرر أنه يتنازل عن جنسيته المصرية عشان يخرج من السجن ويرجع أمريكا، الإخوان اشتغلونا وقالوا على مبارك عميل امريكا والشعب كشفهم وطردهم".
وتابع آدم خلال برنامجه "بني آدم شو" المذاع على فضائية "الحياة" محمد سلطان أول ما نزل وطى باس أرض أمريكا، ما هو معاه جنسية أمريكية، واللى بيناضلوا معاهم جنسية أمريكية والمعزول محمد مرسي وابن مرسي وأولاد خيرت الشاطر، وحازم صلاح أبوإسماعيل اللى اتحبس عشان كدب وقال أن والدته مش معاها الجنسية الأمريكية زمانه دلوقتى بيحلف أنها أمريكية".
وأضاف "كل المناضلين معاهم باسبور أمريكا، بيقولوا ليه بقى على مبارك عميل الأمريكان وهو مكنش معاه فيزا لأمريكا أساسًا".
