شاي بلبن - "نصيحه للرئيس السيسي "

...................
وكل ماتفتح الراديو تلاقي مارشات عسكريه و ...قرآن
... وبعدين يامرسي ايه الي كان والي حصل
... بعد المارشات العسكريه والقران المذيع اتهذ كده وراح قايل
(( مرسي ابن المعلم زناتي اتهزم يا ...يا ...يا مينز ...))
..........
الراحل سعيد صالح ( مدرسه المشاغبين )
...............

افكر ان الرئيس الراحل حسني مبارك كان عايذ يلهي الشعب
بعيد عنه وعن السياسه
وعن احوال الدوله وهي طبعا زي ماكلنا عارفين
امتلاك اكبر قدر ممكن من المال والسلطه والنفوذ
فعمل حاجه حلوه ...
نشر الجهل ونشر الفساد والمخدرات وتسطيح العقول
وبالنسبه للمتدينين عملهم بعبع اسمه الاخوان
ولما لقي الاخوان اصلا مش متدينين (( أوي ))
عملهم بعبع كماله اسمه السلفيين
اهو يلهي الناس فيهم وفي احكامهم
ويتكلمو عليها طول ماهما قاعدين ...
ومانساش طبعا المراهقين عملهم سينيما المقاولات بالاضافه للكوره
وطبعا حبايبه من الصيّع والضيّع والبلطجيه
وفرلهم المخدرات والحشيش
وخلاهم كمان معاونين للشرطه ..
يعني وقف لعبه عسكر وحراميه وخلاها لعبه (( كلنا مع بعضينا ))
لكن النهايه كانت ايه .....؟؟
كانت ثوره ...
كانت دمار للبلد
كان انتشار الفوضي الي هو كان صانعها
كان انتشار مرض البذائه المصريه والعفونه الفكريه ...
طبعا لانه مش هو الي عمل كده
كان زبانيته و اياديه التي طالت ولم يستطيع ان يقطعها
فانقلب السحر علي الساحر ...
طيب ماحنا عارفين كل ده فين بقي الي بتفكر فيه
بفكر اني اقول نصيحه للرئيس السيسي
احممممم
احمممم
خلاص حقول اهو ماتزقوش

سياده الرئيس ...

لو عايز تلهي الشعب ويبعد عن السياسه و احوال الدوله عندك حاجتين

1\\ العلم
اجعلهم ينشغلون بالعلم والدراسه الجاده وتحصيل العلم وارسل بعثات وطوّر
المدارس والجامعات وانسف حمامك القديم بعد ان تملئه بالمناهج الدراسيه
التي عفي عليها الزمن .

2\\ المال
اشغله بطلب المال وليس بطلب المعيشه مثلما كان يفعل من سبقوك
فطلبه للمعيشه يجعله ينقلب عليك اما طلبه للمال وزيادته ابدا لن يلتفت لك
قم بانشاء مصانع وتطوير في السياحه وحسّن الدخل وقلل العاطلين وافتح منافذ كسب عيش جديده بافكار جديده متطوره جامحه صارخه غير تقليديه

طبعا ممكن حد من حاشيه الرئيس يقولي ...

طيب انت مالك متاكّد كده ليه انهم مش هايلتفتو لاحوال الدوله الخاصه للرئيس.....؟؟

اقوله ببساطه ..

اولا \\ لقول الرسول ( ص)
منهومان لا يشبعان
منهوم في العلم لا يشبع منه
ومنهوم في الدنيا لا يشبع منها

ثانيا \\ قول الإمام علي (رضي الله عنه )
اثنان لا يشبعان : طالب علم وطالب مال

ثالثا\\ قاعده (( فائز - فائز ))
كلنا هانكسب ياريس مش انت لوحدك

رابعا \\ لان تجربه الهاء الشعب فيما لايفيد اثبتت فشلها وانتجت جيل
يعرف يجيب المفيد من داخل اسوار الرئاسه نفسها

واخيرا فيد واستفيد ولا تعرّض الشعب للكسل

ودي نصيحتي للرئاسه
ويجعله عامر
...........
د\ لؤي عبد المنعم