"أبو" يفتتح حفل الليلة بالعلمين الجديدة.. ويعلق: "مبسوط إنى معاكم"
بدأ النجم "أبو"، قبل قليل، حفله الجديد فى مهرجان العلمين الجديدة، على مسرح العلمين أرينا، والذي يشاركه عدد كبير من النجوم في حفل الليلة.
حفل "أبو" بمهرجان العلمين الجديدة
وحرص "أبو" على الحديث للجمهور بمجرد صعوده لخشبة المسرح قائلا: "مبسوط جدا إني معاكم، وأتمنى كمان إنكم كلكم تكونوا مبسوطين".
وبدأ "أبو" حفله اليوم بأغنيته الشهيرة "عيش يا قلبي" وسط تفاعل كبير من الجمهور الذي يحضر الحفل.
وتقول كلمات الأغنية:
لو إنت حابه بتداري يا قلبي ليه
ليه تخبي حبك وتكون عايش كدا هتموت عليه
إزاي ترضالي اعيش من غيره ده ياما حلمت بيه
وحلمت أعيش لياليه
مادام عشقته ماتقول يا قلبي قول
متخافش كلام الناس حكم الغرام هو الأصول
ليه تعيش أيام وحدك وتخلي ليلك يطول عمال تفكر فيه
عيش يا قلبي عيش طلع إحساسك كله
الدنيا دي من غير ما نعشق ماتساويش
كل نظرة من عنيه عايزاك تروحله سيب مشاعرك ماتداريش
عيش يا قلبي عيش وإياك ولا يوم تستنى
تستنى إيه ما خلاص لقيت نفسك معاه
يالا غني لليالي والقمر واتمنى وارقص رقصة مع الحياة
أيام وليالي بتفوت بس في سكوت
مزيكة الحب في قلبي أعلى من أي صوت
وأنا بالنسبالي خلاص مش ممكن لحظة تفوت إلا أما أكون وياك
آه يا قلبي يا قلبي جمال عينيه
بتاخدني في رحلة بعيد عن كل العالم واللي فيه
وبروح لمكان ياما كان بخيالي في يوم روحي تلاقيه أنا كلي راح لهواه.
واحتشد جمهور غفير بساحة العلمين أرينا، حيث ينطلق بعد "أبو" النجوم عمر كمال والصواريخ ودبل زوكش في واحدة من أضخم حفلات مهرجان العلمين الجديدة، بعد سلسلة من الحفلات الناجحة خلال الفترة الماضية.
