مسلسل تحت الوصاية الحلقة 10.. منى زكى تحلم بمحل السمك
تدور أحداث الحلقة العاشرة اليوم من مسلسل تحت الوصاية عن رغبة الفنانة منى زكى فى شراكة مع سيدة مسنة على محل سمك على أن تكون الشراكة بالمجهود منها أمام الأموال والمكان من هذه السيدة.\
احداث مسلسل تحت الوصاية الحلقة 10
وتخطط منى زكى، خلال احداث مسلسل تحت الوصاية الحلقة 10 ، التى تقوم بدور حنان لأن تجلب الأموال من هذا المحل الذي سيكون محل سمك وتستطيع من خلاله بيع السمك والجمبرى التى تصطاده فى رحلات المركب فى هذا المحل.
طالبت المحامية نهاد أبو القمصان بتغير قانون الوصاية عقب عرض مسلسل تحت الوصاية للفنانة منى زكى والذي تفاعل معه العديد من المواطنين.
وكتبت أبو القمصان عبر حسابها الرسمي بفيسبوك:«السعودية غيرت قانون الوصاية ٢٠١٩ يعنى من ٤ سنين، عملت تعديل أن ( رب الاسرة الأب أو الأم) ناس كثير بتقول (قانون الوصاية لازم يتغير) بعد ما شافت فى مسلسل تحت الوصاية المهزلة اللى بتعيشها الستات بسبب قانون الولاية على المال إللى اتعمل من ٧٥ سنة - سنة ١٩٥٢.. النهاردة والستات بتعمل كل حاجة.. لازم القانون يتغير مش بس فى حالة وفاة الأب فقط، وإنما فلسفة القانون تتغير وتتعامل مع الأسرة كوحدة واحدة ما يدخلش فيها حد خارجى طول ما أحد الزوجين موجود».
أضافت:«لو الأب موجود ومنفصل عن الأم أو مسافر، الأم ما تقدرش تعمل حاجة من غير العم أو الجد.. مثلا فى حال إن الأب مسافر، لازم يبعت توكيل للأم أو العم علشان يعمل لولاده باسبور أو يتعامل مع البنوك، علشان كدا القانون لازم يتغير بشكل عام ليناسب واقع الحياة دلوقتي، ودا إللى عملته السعودية من ٤ سنين لما عملت تعديلات على نظام الأحوال المدنية بالمملكة العربية السعودية 2019 تنص على (رب الاسرة الأب أو الأم) بموجب المرسوم الملكي رقم م/134 وتاريخ 27/11/1440هـ الموافق (30 يوليو 2019م).. تعديل المادة (91) ليصبح نصها "يعد رب الأسرة في مجال تطبيق هذا النظام هو الأب أو الأم بالنسبة للأولاد القصر».
اختتمت: «مش محتاجين تروحو بعيد بصوا على جيرانا فى السعودية أرض الرسالة والرسول أرض الحرم واعملوا زيها على الأقل محدش يطلع يقول دا شرعى واللا مش شرعى راجعوا بس قوانين الدول العربية والإسلامية تلاقوا الحل وتلاقونا متأخرين قوى».
