برنامج "حياة كريمة" يهدي مواطنًا 20 ألف جنيه

سلّط برنامج حياة كريمة، المذاع على قناة DMC، الضوء على قصة مواطن يقف بالشارع ويبيع بعض المستلزمات البسيطة ويعمل في مصنع بلاستيك.

وقال المواطن:“عندي 3 أولاد ونسعى حتى ننال الفضل من عند الله سبحانه وتعالى، ولا أقف كل يوم، لكن يومين في الأسبوع فقط”.

أشار إلى أنه في بعض الأحيان يغير ورديته ويعمل بالليل، معقبا:"ربنا هو اللي بيبعت الرزق، والحمد لله على كل شيء، فضل ونعم على كل إللي يجيبه ربنا"، موضحًا أنه يتحصل من عمله في الشارع من 10 - 20 جنيه:"ده أفضل من قعدة القهاوي".

وتابع "الديون والهم هىّ اللي بتجيب للواحد الحزن، أكتر حاجة شايل همها هو أن ربنا يرض عني، ربنا لو رضي عني، هيرزقني في أي وقت وفي أي مكان، ربنا لما يرضى عني هيفتحلي أبواب الدنيا كلها".

أشار إلى أن بضاعته المكونة من المناديل والجرائد، رأس مالها يبلغ 500 جنيه، ليقرر مقدم البرنامج أن يشتري منه البضاعة بـ500 جنيه"، ليرد المواطن على الموقف:"لا إله إلا الله، مش عارف أقولك إيه، إنت رجل كريم، إنت لو كنت شفتني متضايق وحزين وبتحاول ترأف بيا".

ومرّت بالمواطن سيدة محتاجة تطلب المساعدة، فتقاسم معها الـ500 جنيه، قائلاً لها:"ربنا بيراضينا، وإحنا نراضي الناس"، لتقول له السيدة:"قولي هجعهم لك إزاي؟"ليرد عليها: "وأنا هرجعهم إزاي للصاحبهم، ده رزق بنتك، وهي زي بنتي، والله أنا مسامحك، ولو محتاجة تاني، عدي عليا، واللي فيه النصيب خديه". 

وأهدى مقدم برنامج "حياة كريمة" عمر مصطفى ميدالية أبطال حياة كريمة، كما أهدت المؤسسة مبلغ مالي 20 ألف جنيه، ليتمكن من بداية مشروع له.