مصر لن تضيع.. أبرز رسائل الرئيس السيسى مع يوسف الحسينى

تعددت رسائل وتصريحات الرئيس عبدالفتاح السيسي، بالأمس مع يوسف الحسيني، على التليفزيون المصري، وفي السطور التالية يرصد لكم "الدستور" أبرز ما جاء في مداخلة الرئيس السيسي مع يوسف الحسيني على التليفزيون المصرى.

أبرز رسائل الرئيس السيسي مع يوسف الحسيني

قدرات الدولة الاقتصادية لا تسمح بتقديم خدمة جيدة فى قطاعاتها المختلفة.

قدرات الدولة ما تقدرش، هى إمكانياتها كده ولو حد عنده حل ييجى يشتغل معانا.

مصر مش قادرة تعمل تعليم جيد وقلت ده من 2011 لأن ما فيش قدرة مالية.

تطوير التعليم محتاج 250 مليار جنيه حتى يكون تعليمًا لائقًا، ولم يتوافر حتى نصف هذا الرقم.

المدرس بياخد 3 أو 4 آلاف جنيه تقنعه إزاى يقوم بدوره فى تخريج أجيال جديدة.

لما نتكلم عن المواطن الغلبان اللى هو 60 أو 70% وبيدخّل ابنه مدارس حكومية هيعمل إيه؟.

التعليم عايز 60 ألف فصل جديد كل سنة بتكلفة 60 مليار جنيه.

هل إحنا مش شايفين ولّا مش عارفين نشوف ولا إحنا بنحط كلام جنب بعضه وخلاص؟.

لو مفيش إيد حديد فى 2013 كانت الناس اللى فى الشارع اتدبحت.

ما كانش حد يقدر يرفع صوته لولا إن فيه جيش قوى وقادر وأنا كنت شاهد عيان على كل شىء.

مصر دشّنت العديد من المبادرات الضخمة مثل "فيروس سى" وغيرها.

الدولة لما تضرّرت واتدمّرت كان شعبها بياكل رغيف فى اليوم وبيضة فى الأسبوع.

دخلنا حرب منذ 50 سنة جابت بلدنا على الأرض.. وما حدث فى 2011 و2013 يوقّع أى دولة.

تشخيص مصر ينطبق على دول كثيرة لكن الفارق الوحيد أن الله أراد ألّا تضل الطريق.

بناء الدولة يحتاج إلى العمل والتضحيات من كل شعبها.

مصر لن تضيع وأنا خايف على الناس لأننى مُؤتمن عليهم قدّام ربنا.

أتحدث عن الغلابة والكلام مش لدغدغة المشاعر أنا رئيس لكل المصريين، هذا البلد يحتاج إلى عمل جاد يمتد لسنوات طويلة.