«مش عيب نقول غلطنا».. رسالة حلا شيحة للجمهور مع صورة جديدة بالحجاب
نشرت الفنانة حلا شيحة صورا جديدة لها بالحجاب، عبر حسابها الشخصي بموقع تبادل الصور والفيديوهات «إنستجرام»، وذلك بعد فترة اختفاء طويلة عن جمهورها.
ووجهت حلا شيحة رسالة لجمهورها قائلة: «لحظات في حياتنا بتعدي مع ناس بنقابلهم مرة في العمر، ولحظات مع أولادنا بنحس بيها بفرحة وحب وأمل، ولحظات مع نفسنا بنتأمل فيها حياتنا.. كل أيامنا لحظات».
وأضافت حلا شيحة: «علشان كده مفيش حاجة تستاهل الزعل والتفكير الزيادة، وأجمل حاجة إن الواحد لما يتعب أو يحس إنه تايه أو متلخبط لازم يبقى متأكد أن مشاعره بتقوله حاجات محتاج يعرفها أو يفهمها أو يفهم نفسه أكتر».
وواصلت حديثها: «نتعلم ومش عيب نقول غلطنا، ومش عيب نصحح أخطاءنا، بس أهم حاجة منكملش ونعاند نفسنا ونعاقب نفسنا ونحكم على نفسنا بالفشل، الفشل إننا نسيب نفسنا جوه نفس المشاكل ونستسلم».
كانت آخر أعمال الفنانة حلا شيحة فيلم «مش أنا» بطولة تامر حسني، وماجد الكدواني، وسوسن بدر، وحلا شيحة، بالإضافة لعدد كبير من الفنانين، والفيلم قصة وسيناريو وحوار تامر حسني، وإخراج سارة وفيق.
