فى ذكرى رحيل سامى العدل.. نجلته: «العيد مالوش طعم من غيرك»
أحيت ابنة الفنان الراحل سامي العدل، الذكرى الخامسة على رحيل والدها، وعبرت عن حزنها على رحيله بكلمات مؤثرة في منشور على صفحتها الرسمية على موقع التواصل الاجتماعي فيس بوك.
وقالت رشا سامي: "العيد مش عيد من غيرك مالوش أي طعم بجد زاد عليه السنة دي إن ذكري وفاتك بكرة كمان وأنا في دهب من غير أهل ولا أصحاب يهونوا عليا مشيت وسيبتني بدرى قوي كان لسة فيه كتير عايزة أعيشه معاك كان نفسي تبقي جنبي وآخد رأيك ونصيحتك في قراراتي مؤخرًا، مش عارفة إن صح أو غلط مش عارفة أتعامل وتايهة كدة من بعدك لا عارفة أقف على رجلي وأواجه كل الصعوبات ولا عارفة أدي الدنيا ضهرى وأكبر دماغي بقيت بخاف أخاطر بأي قرار إذا كان في حياتي الشخصية، الأسرية أو العملية... عارف ليه؟ علشان لما كنت عايش كان عندي الجرأة أخاطر وعارفة إنك موجود توجهني لو غلطت وتقف جنبي وتدعمني لو أنا صح".
وتابعت: وحشتني قوي يا سمسم ووحشني لمتنا على سريرك نتكلم ونرغي ونبعت نجيب أكل ونتفرج على فيلم أو نتناقش في كتاب إنت قريته أو مسلسل بتحضر له وحشني حاجات كتير قوي معاك مالهاش أول من آخر لدرجة إني متغاظة منك إزاي تمشي كدة وتسيبني من غير أب وسند في الدنيا الصعبة دي .. هو مش أنا دلوعتك وأول فرحتك يا حج سامي ولا إيه طلعت قاسي قوي رغم إنك كنت أطيب قلب الله يرحمك ويحسن إليك".
