«لا يوجد أي نقص في السلع».. أبرز تصريحات الرئيس السيسي أمس
تحدث الرئيس عبدالفتاح السيسي، مساء أمس، في مداخلة هاتفية في برنامج "من مصر" مع الإعلامي عمرو خليل على قناة "CBC"، ويرصد "الدستور" في التقرير التالي أبرز تصريحاته:
- أعمل على إنشاء مشروعات قومية كبرى من أجل تحسين حياة المواطنين للأفضل.
- هل إحنا في حاجة لتوفير السلع الغذائية للناس ولا تغيير حياة الناس؟، إحنا عاوزين نعمل الاتنين.
- نحاول أن نوفر السلع الغذائية، ونغير حياة الناس في التعليم والصحة وفي الإسكان وفي كل شيء، المشروعات دي بتعمل تشغيل للشباب.
- إسعاد المصريين هو أملي في الحياة.. ربنا وحده اللي يعلم إن هي دي الأمنية والحلم اللي عندي.. ربنا يعيننا على كده.
- السيدة المصرية تمثل نموذج راقي في الحياة.
- الدولة تبذل أكبر جهد ممكن لتحسين الأوضاع وتوفير العمل.
- الدنيا ماشية، لكن إحنا بنبذل أقصى جهد وربنا وحده اللي يعلم عشان نحاول نحسن من أوضاعنا ويبقى فيه شغل في البلد، لكن طول ما عدد سكاننا بيزيد بالطريقة دي فالمشكلة هتبقى دايمًا صعبة وإيجاد حل لها عاوز توفيق كبير من ربنا.
- لما بتكلم مع الناس في الشارع لا أتعرض لهذا الأمر، الناس بتكون بتشتكي همها مش هينفع أقولهم كده.. بسمع وأحاول أخفف عنهم.
- برنامج تكافل وكرامة تستفيد منه 3.7 مليون أسرة.
- سيتم إعلان إجراءات حماية اجتماعية خلال اليومين المقبلين لتخفيف الأعباء الناجمة عن الآثار الاقتصادية الراهنة التي لم تتسبب فيها الدولة من الأساس.
- إحنا بخير وعندنا السلع الأساسية متوفرة بشكل جيد لعدد شهور مناسب.
- حرصت خلال السنوات الماضية أن يكون هناك احتياطي مناسب يكفي ثلاثة أو أربعة أشهر على الأقل لمجابهة أي تطور وتمكين الفرصة لاتخاذ أي إجراء.
- لا يوجد نقص في أي سلع سواء الزيت أو القمح أو الأرز.
- المشروعات القومية عندما بدأ تنفيذها تساءل الكثيرون عن جدواها.
- صوامع القمح حافظت على نحو 20% من القمح المفقود سنويًّا.
- هناك كمية قمح متوفرة تصل إلى 5.7 مليون طن، ونعمل على إنشاء المزيد من الصوامع في الفترة المقبلة.
- زيادة إنتاجية محصول القمح بمعدل مليون فدان خلال عامين من خلال مشروعات التوسع التي يتم تنفيذها.
- لدينا مبادرة تكافل وكرامة تغطي 3.7 مليون أسرة، وما نعطيه لهم ليس كبيرًا لكن مجموعه قرابة 19.5 مليار جنيه، ونعمل على زيادة الشريحة المستفيدة.
- الدولة تعمل على محاولة تقليل الاعتماد على الخارج.
- الأمر ليس فقط في توفير السلع الأساسية لكن أيضًا تحسين حياة المواطنين سواء في التعليم أو الصحة أو الإسكان أو التشغيل.
- أحرص على الاستماع للناس.. مقدرش أبدا أغفل أو أتجاوز أي حاجة تيجي قدامي، مقدرش عشان هتحاسب من ربنا سبحانه تعالى لو شفت وطنشت وسكت.
- فيه مشكلات أكبر من المناشدات التي استجيب لها.. فيه بيوت كتير وناس كتير في مصر عندهم مشاكل كتير بس على الأقل اللي أشوفه أساعد في حله.
- أتمنى إن إحنا كلنا كمصريين ومسؤولين نبقى عارفين إن اللي هيخفف عن حد ربنا هيخفف عنه وهييجي علينا يوم ونقف قدام ربنا ويمكن كلمة وشفاعة من أخت زي جيهان أو محروسة أو أي حد تاني تكون دي شفاعة طيبة ويقولوا لما شافنا حاول يحل ويساعد.
- والله ربنا وحده اللي يعلم إن إحنا بنعمل كل ده مع الناس كلها عشان ميكنش فيه حد محتاج أو محووج، إحنا ظروفنا صعبة أوي.
- خلوا الناس الطيبة تدعي إن ربنا يفرجها علينا، ولما يفرج علينا هنفرج على الناس كلها مش هنسيب حد، إحنا مورناش غير كده.
- المشروعات التي تنفذها الدولة حاليًّا تستهدف توفير فرص تشغيل لكل المواطنين.
- حجم العمل الذي يتم تنفيذه أتاح الفرصة لضخ أموال.
- فيه ناس مش بشوفها ولا أقدر أوصلها.. بوصلها من خلال الشركات اللي معايا وتجيب ناس تشتغل.
الدولة تبذل جهودًا كبيرة من أجل تحسين حياة المواطنين.
- على عيني اللي إحنا فيه وربنا وحده اللي يعلم.. ربنا يقوينا جميعًا.
- هناك مئات الآلاف من السيدات اللاتي تحتاج للمساعدة.. ممكن إحنا مش شايفينهم وصوتهم مبيوصلناش.
- عاوزين نكون أمناء مع نفسنا وقضيتنا، مواردنا ودخلنا مش على قد حجمنا خالص، حتى مرتبات الناس ودخلهم لا تتناسب مع حياة كريمة للأسر والبيوت.
