أسماء محفوظ: اغتيال الضباط مش حاجة تفرح ده في منتهى الخطورة

استنكرت الناشطة السياسية أسماء محفوظ عمليات الاغتيال والقتل التي تستهدف ضباط الجيش والشرطة والسياسيين، قائلة: "اللي بيحصل من استهداف ظباط أو سياسين ده في منتهى الخطورة ومينفعش نستهون بيه ومش حاجة تفرح".

وتابعت أسماء - عبر تدوينة لها على حسابها الرسمي على "الفيس بوك" -: "لازم نواجه تحويل الدولة لغابة بكل اللي نقدر عليه، قلت الكلام ده زمان وحذرت منه واتحاكمت عليه لكن هفضل أقوله".

وأشارت، إلى أن "غياب العدالة هتخلي الناس تاخد حقها بايديها وده مش تهديد ولا تشجيع الناس على ده، بالعكس إحنا كلنا لازم نقف لرجوع دولة القانون ونصر عليه".

وأضافت: "اللي الإعلام بيعمله من تحريض الناس على المعارضة وتفكيك المجتمع وصل البعض للعمل بالمثل وبقى الكل مستهدف ".

واختتم تدوينتها قائلة: "ده أخطر شيء ممكن يحصلنا ولازم نرفضه والمجتمع يرفضه يا ناس يا معارضة يا حكومة، أرجوكم كفاية المجتمع بينهار".