نادر حمدى: عمرو دياب أسطورة حية فيها مستقبل وحاضر وتاريخ

شارك الفنان نادر حمدي، متابعيه، عبر حسابه على موقع تداول الصور والفيديوهات "إنستجرام"، مجموعة من الصور رفقة الهضبة عمرو دياب من حفله الأخير بمركز المنارة بالتجمع الخامس.

وعلق نادر حمدي على الصور، قائلًا: "أنا لما بشوف الراجل ده بشوفه بشكل تاني غيركم كلكم، أنا آسف طبعًا بس بجد بشوفه أسطورة حية فيها مستقبل وحاضر وتاريخ ماشي على الأرض، ولسه بيمدنا بعطائه اللي أنا ماشفتش زيه في مطرب آخر عشان كده بقّدر كل خطوة وكل طلب بيطلبه مني لما بنشتغل مع بعض".

وأضاف: "لو شايفين الصورة هتلاقوني "متشعلق" فيه مش حاضنه عشان ده إحساسي ناحية الأغنية المصرية وهو ممثلها لو الراجل ده مش بيتعب عشان ينجح بالشكل ده كان زماننا ما بنسمعش غير اللي بنسمعه اليومين دول مع احترامي لكل أنواع الفن، بس إحنا بنسعى للتحضر ولتحسين الذوق العام وربنا يقدرنا جميعًا".