بالمستندات.. إبراهيم سعيد يعلن تورط محاميه في سرقة ممتلكاته..والأخير يرد "هنقضيها محاكم"

أعلن إبراهيم سعيد نجم الأهلى والزمالك السابق عن تورط المحامى الخاص به مع عدد من البلطجية فى الإستيلاء على منزله بالمعادى وأمواله الموجودة بالشقة، فضلاً عن تهديده بالقتل.

وقال سعيد عبر حسابه الرسمى "تويتر"،" المحامي بتاعي طلع مشترك في حوار الاستيلاء وسرقة شقتي بالكامل وكان بيعرف خطواتي ومواعيدي واتهمته في النيابه بالاشتراك".

وأضاف" اقسم بالله لم أعمله توكيل وهيتم شكواه في نقابه المحاميين والبلد دي لازم تنضف بجد من الاشكال دي، موضحا" انا شكيت فيه لما لاقيته فاتح "اسبيكر" التليفون وهو بيكلمني قالي عليك العوض بقي مش هتعرف تعمل حاجه ولا هتعرف تطلع حد ولا هتاخد حاجه ".

وتابع" قالي انسي بقي وهتقعد في القضايا دي كتير قولتله دي ملكي وبيتي قالي هتعمل ايه يعني عيش بقي في المحاكم ومش هتعرف تطلع حد ولا حتي الحكومه هتعمل حاجه".

وأتم" حقي هيرجع باذن الله ومتاكد وتم تقديم كل الأوراق في النيابة حتي إيصال الكهرباء وهيتقبض علي كل المتواجدين وهيتحبسوا باذن الله ويكونوا عبره".