كاملة أبوذكرى تحكى تجربة إخفاء فيلمها فى الحقيبة للمشاركة فى مهرجان دمشق

كشفت المخرجة الكبيرة كاملة أبوذكرى عن موقف صعب تعرضت له في بدايتها، مما جعلها تفكر في حيلة للخروج من المأزق.

وقالت كاملة، عبر حسابها على "فيسبوك": "زمان وأنا لسه صغيرة كنت عاملة فيلم قصير اسمه (قطر الساعة ستة)، كان من إنتاج المركز القومي للسينما وسافر عدة مهرجانات وحصل على جوائز كتير باسم مصر كأفضل فيلم قصير، بعدين مهرجان دمشق السينمائي طلب الفيلم في مسابقة الأفلام القصيرة وبلغني إن المركز رافض سفر الفيلم".

وتابعت: "الحقيقة ما فهمتش إيه السبب وبحماس الشباب جريت على المركز ودخلت لرئيس المركز في وقتها، قابلني بفتور وقولتله ليه مش عايزين تسفروا فيلمي، قالي خلاص إنتي خدتي فرصتك كفاية عليكي جوايز، خرجت من عنده بعيط كان نفسي أوي أسافر سوريا، وأنا خارجة قابلت أستاذ حسام علي المنتج الفني وأستاذنا، حكيت له قالي روحي المخزن وإدي فلوس للراجل إلي تحت وخدي الفيلم في شنطتك وسافري، الفيلم بوبينة (علبة واحدة)، حطيه في شنطتك وسافري، عملت كده فعلًا وسافرت المهرجان وأخدت جايزة الجمهور والجايزة الذهبية، رجعت لقيت رئيس المركز عاملي حفلة في المركز بتورتة وورد".