بعد خلعها الحجاب.. حنان ترك توجه رسالة خاصة لنورهان قنديل
تفاعلت الفنانة المعتزلة حنان ترك من خلال مشاركة متابعيها بصورة جديدة، وذلك عبر حسابها الرسمي بموقع تبادل الصور والفيديوهات الشهير إنستجرام، مع خلع البلوجر وإخصائية التغذية الشهيرة "نورهان قنديل"، الحجاب بعد شهر من ارتدائه، حيث ربط رواد السوشيال ميديا التدوينة الأخيرة للفنانة حنان ترك، واعتبروه رسالة موجهة.
ونشرت حنان ترك صورة عبر "إنستجرام" من شروق الشمس، وعلقت: "لا أحد على الإطلاق يستطيع أن يغلق الباب الذي فتحه الله لك"، وهو نفس التعليق الذي كانت حنان قد علقت به لنورهان قنديل على صفحتها عقب إعلانها خلع الحجاب.
- حجاب نورهان قنديل
وكانت نورهان قنديل، البلوجر وإخصائية التغذية، قد نشرت صورة لها، عبر صفحتها الخاصة على موقع إنستجرام، بدون ارتداء الحجاب، وذلك بعد مرور شهر على إعلانها ارتداءه.
وكتبت نورهان: "مش عارفة ليه كل ده حصلي، بس أنا فى ابتلاء شديد ومعنديش تفسير ولا تبرير، بس أنا كنت بمر بمرحلة حزن وضعف شديدة من قبل لبسي الحجاب وقلبي وكل حاجة فيه كانت بتحركني ناحية الخطوة دي علشان أبقى أقوى لنفسي ولبناتي وشغلى وربنا وحده بس هو اللي عالم ضميري ونيتي".
وأضافت: "بس النتيجة إني بقيت أضعف بكتير، والخطوة دي بقت محتاجة مني قوة مش عندي، أنا أكيد حزينة إني مقدرتش أكمل في حاجة بحلم بيها من سنين، وبدعى ربنا كل يوم إنه يختم حياتي بيها، وبدعي ربنا من قلبي يحببني في نفسي في الحجاب الصحيح اللي مقدرتش أعمله، وحزينة أكتر إني بعلن ضعفي وتشوشي واضطرابي اللي غلبني وسيطر عليا ومش عارفة موصلني لفين".
- الحجاب ملهوش أي دعوة بأي توتر أنا بعيشه
وواصلت: "آسفة طبعًا طبعًا آسفة إني دخلتكوا معايا في متاهة قرار شخصي، بس هو لأنه حاجة الواحد لازم يكون فخور بإنه يعلنها، الحجاب ملهوش أي دعوة بأي توتر أنا بعيشه، بالعكس أنا عارفة إنى أجمل بكتير وأنا لابساه، بس في فرق كبير بين إني أتخلى عنه وبين إني مش عارفة ألبسه بالشكل اللي يخليني قوية وواثقة وأد المسئولية، أو ده التفكير اللي للأسف بقى مسيطر عليا واتخلل لقلبي، ومش هحمل الناس طبعًا مسئولية حاجة، بس أنا حاسة إني بمر بأزمة كبيرة وأكيد كل حاجة خير وده يقينى بربنا.
واستكملت: "بس اللي اتكشفلي في الفترة البسيطة دي كان أكتر من تحملي ولأول مرة أركز في حجم القسوة اللي في القلوب، مش عارفة ليه بس أظن لعنة السوشيال ميديا أصابت قلبي، وبقيت حاسة إنه مش قادرة على كمية الصراعات اللي بعيشها بسببها ولا مبسوطة بأني شخصية عامة، أنا هعتبر كل اللي هيحصل من هجوم طبعا ده في ميزان حسناتي لأني أكيد محتاجة ده".
والجدير بالذكر أنه في نهاية الشهر الماضي، نشرت نورهان قنديل، صورًا لها مرتدية الحجاب، وقالت: الحمد لله ربنا هدى قلبي، إني أقرب منه بخطوة كمان، يا رب تقبل محتاجة منكم دعوة حلوة وربنا يهدينا جميعا، ويقوينا على نفوسنا وينعم علينا باللى يريح قلبنا.. ومازلت لا أعلم ماذا فعلت من خير وسط ذنوبي، ليفيض عليَّ ربي بكل هذا الكرم لأكون غريقًا في النعم، الحمد لله".
