تطورات الحالة الصحية لـ مصطفى كامل بعد نقله إلى المستشفى
تعرض الفنان مصطفى كامل لوعكة صحية في الساعات الأولى من صباح اليوم الجمعة، نقل على إثرها إلى أحد المستشفيات لتلقي العلاج.
وقام الأطباء المعالجون بعمل عدد من الفحوصات الطبية اللازمة للاطمئنان على حالته الصحية، ومن المقرر أن يغادر المستشفى بعد استقرار حالته.
آخر أعمال مصطفى كامل الفنية
وطرح النجم مصطفى كامل مؤخرا أحدث أغانيه التى تحمل اسم «عنوان الحياة» وذلك بالتزامن مع أيام عيد الاضحى المنقضي، وهي من كلماته وألحانه وتوزيع باسم منير وميكساج وماستر أحمد جودة، وتحمل عددا من المفاجآت، وتعد أولى أغاني ألبومه الجديد الذى يحضر له خلال الفترة المقبلة.
كلمات أغنية «عنوان الحياة»:
عنوان الحياه دلوقتى.. قلة الاصل والنداله
ملقتش يوم عذابى وضيقتى.. اللى كانوا عاملين رجاله
كلها ابطال ع الورق..انا عمرى معاهم إتسرق
كله طلع ولا حاجه
كلها أيام متعاشه ... مع ناس كلها غشاشه
اديت وما خدتش حاجه
غيركدب وغش ومليون وش وعالم راضعه رزاله
يا زمان اشهد يا زمان.. اصحابى على كل الالوان
اللى أصفر واللى أسود.. وابو قلب رمادى وخوان
وعماله بتقل الجدعان
اللى داق خيرنا ودلعنا.. واللى ياما إحتاج دراعنا
يوم عذبنا ويوم وجعنا.. شوفنا على وشه إبتسامه
اللى ياما سندنا ضهره.. كان رخيص غلينا مهره
لما شخلل فجأه زهره.. قال وداع ومع السلامه
شفت فيك يا زمن عجايب.. م الصحاب ومن الحبايب
عشت طول العمر خايب.. وإتخدعت فى خلق ياما
كلها ابطال ع الورق..انا عمرى معاهم إتسرق
كله طلع ولا حاجه
كلها أيام متعاشة ... مع ناس كلها غشاشه
يذكر أن ألبوم "وجع قلبى" يضم 8 أغنيات متنوعة كلها من كلماته ما عدا أغنية واحدة كتبها الشاعر هشام عبد الحليم، والألحان مصطفى كامل وحسن سراج وتيتو، والتوزيع باسم منير ومحسن السيد وتامر صقر وأحمد باريتون وحسن سراج وأغنية شعبية من توزيع إسلام ساسو.
