«حابه أموت وربنا راضي عني».. مَن هى الفنانة المعتزلة زيزي عادل؟

أعلنت المطربة الشابة زيزي عادل اعتزاله الفن نهائيًا بعد مسيرة دامت منذ طفولتها قدَّمت خلالها العديد من الأغاني المشهورة والتي لا تزال حتى هذه اللحظة.

ونشرت زيزي مقطع فيديو عبر حسابها الشخصي بموقع تبادل الصور والفيديوهات "انستجرام" تُعلن فيه وبشكل رسمي اعتزالها الفن، والاتجاه نحو عبادة ربّ العباد، مؤكدة أن الاعتزال جاء بمثابة التوبة عن ما نهاه الله عزّ وجلّ، بحسب قولها.

إعلانها الاعتزال

وقالت الفنانة الشابة في الفيديو:"أنا طالعة أقول خبر مهم جدًا أخدته في حياتي، ويمكن يكون أهم خبر خدته في حياتي، هو قرار الاعتزال، قررت أسيب المهنة اللي أنا بشتغلها".

أضافت زيزي: "يمكن القرار ده ما اخدتهوش امبارح يعني، أخدته من فترة كبيرة، أنا مطلعتش أقولكم الخبر ده، لإني كنت حابه أتكلم مع نفسي ومع الناس القريبة مني جدا، والناس دي دعمتني جدا لما قولتلهم القرار ده، وشجعوني جدا إني أعمل كده، أنا ببعد عن أكتر حاجة من أكتر المغريات في الدنيا، اللي هى الشهرة، وهبعد عن الشهرة والأضواء والفنانين، اللي هي الناس بتقرب منها".

تابعت "الفترة اللي فاتت قربت من ربنا جدا، ولقيت القرآن بيقولّي إني لازم أكون ملتزمة، لازم على قد ما أقدر أكون ملتزمة، ويمكن تكونوا مستغربين، إني طالعة بشعري ومش محجبة ده لإن ربنا لسه ما أنعمش عليا بخطوة الحجاب، وبدعي ربنا إني ألبس الحجاب، وكل حاجة بتيجي خطوة خطوة، مفيش حاجة بتيجي مرة واحدة، فأنا خدت خطوة وإن شاء الله تيجي الخطوة اللي بعدها».

وواصلت زيزي عادل: "عايز أقولكم كمان إني بالنسبة للفن هو مصدر دخلي، أنا سبت حاجة بعيش منها، لكن أنا سبت ده وعارفة إن ربنا هيرزقني، ربنا مبينساش حد، فسايبه ده على ربنا، ومعنديش مشكلة، بالعكس راضية جدا على القرار اللي أنا أخدته ومبسوطة بيه جدا، وحابه اللي جاي من حياتي، ويمكن بعد ما أخدت القرار ده، تعرضت لمواقف اختبار من ربنا، ولما سألت أهل العلم أفتوني بكده، وكنت محطوطة تحت ضغط أوافق أو ما أوافقش، والاختبار كان بالنسبالي صعب شوية، خصوصًا إن البني آدم ضعيف، ويمكن العرض اللي جالي مجاليش وأنا بمارس المهنة، والحمد لله قدرت أقف بدعم من الناس اللي حواليا".

واختتمت كلامها: "مش عايزه أخش في حتة الفن حلال والفن حرام، عشان مبقاش طالعة بتكلم كإني داعية، أنا طالعة أتكلم كـ زيزي، وطالعة أقول إني بطلت أغني، لإني مش صح، وديني بيقول كده، وأنا حابة إني أموت وربنا راضي عني، وكلنا نتمنى حاجة زي دي، وعايزة لما أموت أكون مستعدة لمقابلة ربنا، وأكون راضية عن نفسي وعن حياتي وعن شخصي وعن أفعالي، والحمد لله التزمت، وقربت من ربنا طبعا بطريقة كويسة، وربنا يكرم والتزم أكتر وأكتر، وعايزاكم تدعولي ربنا يثبتني».

وولدت زيزي عادل في الكويت لأصول مصرية، لديها 3 أخوات، "غدير، ندى، وغادة"، تخرجت في معهد الموسيقى العربية، وبدأت مسيرتها الفنية الحقيقية مع برنامج المسابقات "ستار أكاديمي"، وحصلت على العديد من الجوائز، وشاركت بأكثر أغانيها مع شركات روتانا ومزيكا، وأصدرت أول ألبوماتها بعنوان "واحدة طيبة".

مشوارها الفني

شاركت في برنامج المواهب الشهير "ستار أكاديمي 2" الذي عرف باكتشاف المواهب على مستوى العالم، وكانت من ضمن الذين تأهلوا للنهائيات مع المتسابق السعودي هشام عبد الرحمن والتونسية أماني السويسي وحلت في المركز الثالث. 

انضمت إلى شركة روتانا للإنتاج الفني، وأصدرت عدة ألبومات معها بدأت بـ"واحدة طيبة" عن شركة روتانا.

كانت أول أغنية مفرده لها في 2008، تحمل اسم "تعودت عليك" وكانت من كلماتها وألحانها.

غابت عن الساحة الغنائية لمدة سبعة سنوات بسبب مرض والدها ورحيله، وفي عام 2014 عادت إلى الساحة الغنائية بأغنية منفردة حملت عنوان "شايلاهالك" وصورتها مع المخرج الأردني "يعقوب لمبز" بعد توقيعها عقدا مع شركة عالم الفن محسن جابر وقنوات مزيكا، أطلقت خلاله ألبوم أنا أنثى عام 2015 الذي شهد عودتها للساحة الغنائية.

أشهر أغانيها

ألبومات: "واحدة طيبة" صدر عام 2007 إنتاج شركة روتانا، "وعد عليا" عام 2009 إنتاج شركة روتانا، "أنا أنثى" 2012، إنتاج عالم الفن، مزيكا، إضافة لـ"أبسط نفسك" إنتاج فري ميوزيك نصر محروس، وأغنيتها المفردة "تعودت عليك"  .