من الحرم المكى.. عمر كمال لـ حسن شاكوش: «ربنا ميشمتش فيك حد»
وجّه مغني المهرجانات عمر كمال، رسالة إلى صديقه المغني حسن شاكوش، داعيًا له بالنصر، خاصًة بعد أزمته الأخيرة التي مرَّ بها مع المطرب رضا البحراوي، وعلى إثرها تم إيقافه ومنعه عن الغناء إلى أجل غير مسمى.
وكان أدى «كمال» مناسك العمرة وشارك جمهوره بصور له نشرها عبر حسابه على «فيسبوك»، وتلقى تعليقًا من أحد متابعيه يقول إنه يدعو أن ينصره الله على حسن شاكوش.
ورد «كمال» بفيديو ظهر فيه يدعو لشاكوش قائلا: «ربنا يفكها عليك يا حبيبي وترجع وربنا يرزقك برزق أخواتك ووالدتك ويحنن كل القلوب عليك، يارب يفكها عليك وترجع أحسن من الأول علشان أنت طيب وفيك شيء لله وأنا أكتر حد عارف ده يا حبيبي».
وتابع: «بدعيلك يا حبيبي والله العظيم ودعيتلك كتير أوي أن ربنا يفكها عليك ويكرمك ويصلح حالك وميشمتش حد فيك ويديم نعمته وستره عليا وعليك».
أزمة حسن شاكوش
وكان الفنان هاني شاكر نقيب المهن الموسيقية أصدر قرارًا بوقف حسن شاكوش وسحب ترخيصه نهائيًا، وقال «شاكر»: «إحنا مش ناقصين في الوسط الفني هذه النوعية الغريبة من الفن.. بناقص حسن شاكوش».
بينما ظهر حسن شاكوش في بث مباشر عبر صفحته على «فيسبوك» برر خلاله موقفه، قائلا: «أنا مقدرش أغلط في الفرق الموسيقية، اسألوا أي فرقة أني مقدرش أغلط في أي حد من الفرق الموسيقية، أنا طلعت مع كل فرق مصر».
وتابع: «أنا بقول للناس أنا عمري ما أغلط في أي عازف ولا عمري ما أغلط في أي طبال ولا أي بتاع مزيكا، لانهم اخواتنا وحبايبنا، انا عامل اللايف ده علشان اوضح وجه النظر، دى أول غلط ليا من ساعة ما دخلت المجال».
