ليلى علوي تحيي ذكرى رحيل والدتها بكلمات مؤثرة

أحيت الفنانة ليلى علوي، ذكرى رحيل والدتها بسلسلة تغريدات عبر صفحتها الشخصية بموقع "تويتر".

وقالت، في تغريدتها: "سنة كاملة تانية مرت على فراقك وإنتي لسه واحشاني ولسه محتاجالك يا أعظم أم في الدنيا.. وحشتيني يا ستيلا".

وأضافت: "من يوم ما مشيتي كبرت فجأة.. وحسيت إني طفلة فجأة.. كبرت لما بقيت لوحدي مضطرة أواجه الدنيا وأخلي بالي من نفسي وابني وكل اللي حواليا واخد بالي من كل التفاصيل لوحدي.. وحسيت إني طفلة لما لقيت نفسي تايهة ومحتاجالك ونفسي بس أسمع صوتك".

وتابعت: "كل يوم بيعدي عليا وإنتي مش معايا ملوش طعم، كل فرح ونجاح وإنتي مش جنبي ناقص، كل لحظة باشتاق فيها لحضنك ونصيحتك وقوتك ودعمك بضعف أكتر وبشتاقلك أكتر".