شيرين عبد الوهاب تخرج من عزلتها بسبب «كورونا»

عادت الفنانة شيرين عبدالوهاب، مجددا إلى مواقع التواصل بعد غياب دام لما يقرب من 5 أشهر، عندما قامت بإغلاق كافة حساباتها على "السوشيال ميديا".

ووجهت شيرين رسالة لجمهورها عبر حسابها الرسمي على موقع التغريات "تويتر"، قائلة: "أنا هنا يا حبايبي واتبسطت جدًا عشان في ظل الظروف اللي العالم كله فيها وكل اللي ليه حد بيحبه قلقان وخايف عليه، لقيتكم فاكريني وبتسألوا عني، أنا عايزة أطمنكم إني بخير الحمدلله وحالي زي حالكم كلكم، قاعدة في بيتي مع عيلتي وبدعي إن الغمة دي تعدي على خير".

وتابعت قائلة: "اهتمامكم بالسؤال عليا ده فرحني جدًا وإداني طاقة إيجابية كنت محتاجاها في ظروف زي دي، وحمسني جدًا وخلاني عايزة أفرحكم زي ما فرحتوني وقريب إن شاء الله أشارك معاكم حاجة قريبة جدًا لقلبي، ولحد ما ده يحصل عايزاكم تكونوا متطمنين عليا، وتاخدوا بالكم من نفسكم ونفضل كلنا في البيت".