القصة الكاملة لـ أزمة ياسمين عبدالعزيز وشقيقها.. انتهت بـ «بحبك يا أحمد»
بدأت صباح اليوم الأربعاء مشادات كلامية بين الفنان أحمد العوضي والممثل الشاب وائل عبدالعزيز شقيق الفنانة ياسمين عبدالعزيز، بينما تصاعدت الخلافات إلى أن وصلت برسائل متبادلة بين الطرفين لتنتهي بجملة كتبها العوضي عبر صفحته وهي الجملة نفسها التي كتبتها ياسمين عبر صفحتها أيضًا.
منذ أشهر قليلة كانت الفنانة ياسمين عبدالعزيز تحتفل بعيد ميلادها، وهو أول
عيد ميلاد لها بعد انفصالها عن رجل الأعمال محمد حلاوة وارتباطه بالفنانة
ريهام حجاج، وهي مناسبة عيد الميلاد التي ظهر فيها الفنان أحمد العوضي
والتقط صورًا تذكارية مع الفنانة ياسمين عبدالعزيز وهو ما دفع البعض لأن
يؤكد أن هناك علاقة حب بينهما.ربما كانت تلك العلاقة يعرف بها
جيدًا شقيق الفنانة ياسمن عبدالعزيز نفسه، ليفاجئ الجميع أمس برسالة شديدة
اللهجة إلى شقيقته وإلى الفنان أحمد العوضي قال فيها: "بصي يا ياسمين يا
عبدالعزيز يا أختي، أنا معاكي وفي ضهرك من وأنتِ صغيرة شيلت مشاكل كتيًر
بسببك ووقفت جنبك بكل ما أملك من قوة أدافع عنك في كل موقف صعب مر عليكي،
ونسيت حياتي ونفسي علشان تبقي نجمة في مجالك".
وأضاف: "من إمتى وإحنا بنعمل أعياد ميلاد وتنزل على السوشيال ميديا، من
إمتى الناس بتجيب في سيرتنا!؟ ونقعد نتعاكس على السوشيال ميديا ومع ذلك
حياتك وأنتِ حرة فيها، أنا هتكلم على الشق إللى يخصني، إحنا دلوقتي عايزين
نفهم العلاقة دي إيه ورايحة على فين؟، أما بالنسبة للأخ اللي ماشي وراكي في
كل حتة وشايفك البيضة الدهب إللى هتفقسله كل يوم، أحب أقولك يا راجل لما
تيجي تدخل بيت تدخله من بابه وتقعد مع رجالة البيت!!.. دي الأصول وده
الاحترام".
وتابع: "ياسمين سألتني بعد الطلاق إنها ممكن تحب وتتجوز وأنا أول واحد قولتلها طبعًا حبيبتي ومن حقك وهبقى أول حد يفرحلك.. بس مش إنت لأني أعرفك من سنين وعارف نواياك والأيام هتثبت صحة كلامي، نصيحة مني ليك لما تدخل على ست متختارش وقت ضعفها وخروجها من طلاق ومشاكل، كنت بقيت صديق ينصح ويحافظ ويخاف لحد ما تبقي قوية تاني.. مش يتصور صور زي دي".
وتابع: "ياسمين سألتني بعد الطلاق إنها ممكن تحب وتتجوز وأنا أول واحد قولتلها طبعًا حبيبتي ومن حقك وهبقى أول حد يفرحلك.. بس مش إنت لأني أعرفك من سنين وعارف نواياك والأيام هتثبت صحة كلامي، نصيحة مني ليك لما تدخل على ست متختارش وقت ضعفها وخروجها من طلاق ومشاكل، كنت بقيت صديق ينصح ويحافظ ويخاف لحد ما تبقي قوية تاني.. مش يتصور صور زي دي".
تلك الرسالة الطويلة التي كتبها شقيق ياسمين عبدالعزيز، دفعت الفنان أحمد
العوضي ليرد عبر صفحته الشخصية على موقع التواصل الاجتماعي "فيسبوك"
قائلًا:"انهى بيت اللى ادخله من بابه.. إذا كانت هي اللي بتصرف عليك وعلى
ابنك اللي مخبيه وراميه وهي بتدفعله مصاريف مدرسته.. باب ايه يا ابنى ادخله
هو انا شفت راجل واقف جنبها.. دي واحدة انت مبتعملش حاجة غير أنك
بتستنزفها هي ومامتها.. باب ايه يا ابنى الى هدخله من بابه واكلم واحد
بيتكلم على عرضه ولحمه قدام الناس.. يا ابنى انا من عين شمس منطقية شعبية
اتربيت على ان الأخت والام والست الكلام عليهم من الكبائر.. عربية ايه يا
ابنى انا اجرى الحمد لله يعيشني كويس ويجيبلي عربية حلوة وبيت كويس..
بمجهودي وشغلي مش على عرق واحدة ست.. باب ايه يا حبيبي اللي ادخله وانت
أصلا عايش باسمها.. انا شقيت على حالي بعرقي.. لكن انت فشلت في كل شيء فشلت
كممثل وفشلت كأب وفشلت كأخ وفشلت كبنى ادم".
أغلق ستار تلك القصة بحذف شقيق ياسمين عبدالعزيز منشوره بينما اكتفى العوضي
باعترافه أمام الجميع أنه يحب ياسمين عبدالعزيز لترد عليه هي الاخري
معترفة بحبها له، ليكتب العوضي "بحبك يا ياسمين"، وتكتب ياسمين "بحبك يا
أحمد".
