زوجة رامي جمال توجه له رسالة مؤثرة

وجهت ناريمان، زوجة الفنان رامي جمال رسالة مؤثرة له بعد إصابته بالبهاق، وذلك عبر صفحتها الشخصية بموقع "إنستجرام".

وقالت في رسالتها: "روح قلبي وأغلى حاجة في حياتي جوزي وسندى وصاحبي وحبيبي واللي عدينا سوا أصعب مواقف وقدرنا نعديها واحنا بنسند بعض، كل ابتلاء بيعدي بيه عارفة إنك قده وكنت بشوفك أد ايه مؤمن وراضي كنت بتديني 100 درس في الإيمان بقضاء ربنا وبرضاك دايما وبكلمة الحمدلله اللي مبتفارقش لسانك بحبك وهفضل طول عمري بحبك واتعلم منك".

وأضافت: " بالنسبة للناس اللي بتبعتلي إن دا أصل مني إني واقفة جمبه لو التعليقات اللي شبه دي ومشكورين طبعا جدا عليها بس هوا أصلا مفيش حاجة الراجل زي الفل وزي القمر وأنا ليا الشرف إنه اخترني أكون جمبه واتشرف بيه وبنجاحه وشكرا ليكوا ولحبكوا ودعمكوا اللي فرق جدا وكان سبب في إن رامي يعدي من فترة الإحباط اللي كان بيمر بيها انتوا اللي لازم يتقلكوا شكرا".

وكان الفنان رامي جمال، قد أعلن إصابته بالبهاق، منذ عام، وأنه بسببه فكر في اعتزال الفن أو أن يتقبله الجمهور بما هو عليه.