مصطفى فتحي ينفي هروبه من الزمالك

نفى مصطفى فتحي صانع ألعاب فريق الزمالك ما أثير عن هروبه من القلعة البيضاء لخوض تجربة الاحتراف الخارجية.

وأكد فتحي في بيان عبر حسابه على الإنستجرام أنه سيقاضي الصحفي الذي قام بنشر أخبار مغلوطة عنه.

وجاء نص بيان فتحي كالآتي:
"كالعادة ومش جديد كل فترة يطلع صحفي بكلام علي أي لاعب في الفرقة علشان يعمل عليه شوشرة ويعمل مشاكل علشان يهد الاستقرار الي إحنا فيه .. هقولك كلمة واحدة بس أنا نادي الزمالك اللي عملني وكل الفضل بعد ربنا للنادي وجمهوره طبعا مش هتعرف تخلي حد يكرهني لأَنِّي مش بتاع إعلام ومش بتكلم مع حد أصلا والنَّاس كلها عارفة كدة كويس وأي كلام في موضوع الاحتراف هيتم من خلال النادي غير كدة أنا قاعد وعلي كلامي اللي قولته قبل كدة كتير ... وأنا مطلبتش أصلا تعديل عقدي دا مجرد تقدير بس من المجلس على الموسم اللي فات ... موضوع الهروب بقى اللي بتتكلم عليه وعايز تتشهر وخلاص أنا ابن النادي وفي أي وقت حد هيكلمني في المجلس علشان تعديل عقد وزيادة 10 سنين مش سنة هزود عقدي الـ 10 سنين ... هقولك حاجة كمان علشان محدش بعد كدة يتجرأ ويتكلم كلمة على نادي الزمالك أو لاعيب في نادي الزمالك أنا هرفع عليك قضية ومش هعديهالك لا أنت واللي قالك تكتب كدة .. والنَّاس كلها عارفة كويس إني ماليش في حورات الميديا دي من الأساس .. ولا في عندي تويتر ولا فيس .. الحساب دا الوحيد اللي ليا على الميديا".