أصالة ترد على انتقادات ابنتها وتعطيها درسًا للحياة
ردت الفنانة السورية أصالة، على انتقادات ابنتها "شام"، التي وصفت أداء والدتها في حفل "الموركس دور" بأنها لم تكن في أفضل حالاتها.
أصالة، قالت عبر صفحتها الشخصية بموقع "إنستجرام": "شاميتي هي رسالة علنية بدّي عرفك فيها أنه مو لازم دائما نكون متل.. مو لازم لأنه مرات الظروف بتلعب دور لتخرب جزء من هالعمل اللي بدنا ننجزه".
وأضافت: "وكوني طلعت وكنت موجودة بمكان فيه ناس غلطانين بمشاعرهم تجاهي وكمان ناس حاولوا بشوية رسايل يخربوا ثقتي بالناس واختياري غني لايف بظروف غير مناسبة كل هاد خلاني ماكون بأفضل حالاتي".
وتابعت: "إلا أنه في أشياء صارت رائعة مثلا اكتشاف أخ وإنسان غاية بالروعة والتهذيب (رامي عياش) وسعد المجرد اللي هوه بالنسبة إلي واحد من عيلتي وشذى حسون اللطيفة الأنيقة وكتار عملوا ورح يعملوا بحياتي فرق مجرد قربت منهم فا يامامي، مرات بنكون عّم نستنى شي مابيزبط متل ما بدنا بس بيصير شي تاني ممكن يكون أحلى وماكنا فكرنا فيه أو استنيناه.. فا ماتزعلي لأنه نحنا خلقنا نغلط ونصيب وأنا عملت الاتنين يا يسعد صباحك".
يذكر أن أصالة أصرت خلال تكريمها في حفل "الموريكس دور"، أن تغني لايف على المسرح وأمام الجمهور، وغنت "خانة الذكريات"، ولكنها وصفت أداءها بأنه كان غير موفق.
