"حبر سري".. تامر حبيب عن ارتداء الحلق: "مستفز للبعض لكن دي مشكلتهم"
علق السيناريست تامر حبيب، على صورة له وهو يرتدي "حلق" قائلًا: "اه دي صورتي، ووداني مخرومة أهي، ومش بلبسه طول الوقت".
وأضاف حبيب خلال حوراه مع برنامج "حبر سري" المُذاع على قناة "القاهرة والناس": "لما بظهر في حاجة لها علاقة بالبرامج أو أو أي مناسبة فنية مش بلبس الحلق لأن ده قد يكون مستفز للبعض، وأنا مش عاوز أكون مستفز" مشيرًا إلى أن هذا ليس ذنبه ولكن مشكلة البعض.
وتابع: "الصورة اللي كنت لابس فيها الحلق مكانتش في مصر أساسًا، ويومها ارتديت الحلق من باب التحدي لأن قبلها نزلي صورة في عيد ميلاد وأنا لابس الحلق والناس اتكلمت عنه".
وأردف: "ارتداء الحلق ثقافة، ولما خرمت ودني مكنتش في مصر ولما رجعت السواق كان عمال يبص على ودني، وأما روحت مدير المنزل عندي من إفريقيا وأما شاف الحلق محسش إن ده غريب خالص".
تامر حبيب: “مش بستفز الناس ومن حقي أعمل اللي أنا عاوزه”
واستكمل: "أنا مش بحب استفز الناس، لكن أحب يكون اللي جوة زي اللي برة، والباب اللي يجيني منه الريح مبسدوش واستريح بفتحه وزي ما تيجي تيجي".
وواصل: "في مصريين كتير يرتدون الحلق، أنا مش دوري أعمل اللي الناس تتقبله، أنا لو هضرك يبقى مش من حقي لكن مش هضرك يبقى من حقي أعمل اللي أنا عاوزه".
