مسلسل الكبير أوي 7 الحلقة 19.. حزلقوم يستبدل اسم الشرابية للشرابات بـ"المزاريطة FC"
أعلن حزلقوم شقيق جوني وعمدة المزاريطة الذي يجسد شخصيته الفنان أحمد مكي أثناء استضافته في برنامج "جمهور التالتة" مع الإعلامي إبراهيم فايق عن تغيير اسم النادي الذي يملكه.
احداث مسلسل الكبير أوي 7 الحلقة 19
وخلال احداث مسلسل الكبير أوي 7 الحلقة 19 ، قال حزلقوم (أحمد مكي): "الشرابية للشرابات دا كان زمان من بعد ما أنا بقيت رئيس النادي أصبح المزاريطة fc ودا اسم القرية اللي أنا بنحدر منها وافتخر".
وعن سبب طرده لفريق كامل، أوضح حزلقوم:"ما أنا لقيت لعبه وحش بصراحة في الشوط الأول ده قبل ما انا انزل واغير الخطة في الشوط التاني"، ليرد عليه إبراهيم فايق:"دول اتلسعوا واتهانوا في الشوط التاني"، ويقاطع حديثه حزلقوم:"جرا إيه يا استاذ إبراهيم لسه بقول عليك راجل شوّاف، والله العظيم كله ظلم وكوسة، نص الإجوان أوفسايد والنص التاني فاول مهاجم، يعني هاندس، ده أنا صوتي اتنبح، قعدت أقول هاندس هاندس ومحدش عايز يسمعني، ده كفاية الجون اللي جه في آخر ثانية، دا المعاجم حاطه لامؤاخذة بايديه".
قال ابراهيم فايق:"انت كلامك في منتهي الخطورة، إنت كده بتتكلم عن نزاهة التحكيم"، ليرد حزلقوم:"من أنا لاتكلم عن نزاهة التحكيم أنا بس عايزة أقول إن الحكم كان مرتشي".
مواعيد إعادة عرض مسلسل الكبير أوي 7 الحلقة 19
وتعاد مسلسل الكبير أوي 7 الحلقة 19 في الساعة 12.30 بعد منتصف الليل، والساعة 2 مساء، كما يعرض على قناة ON دراما الساعة 7.30 مساء ويعاد الساعة 1.45 صباحًا والساعة 3.30 مساء، إضافة إلى عرضه على منصة watch it الرقمية الساعة 6.20 مساء.
أبطال مسلسل الكبير أوي 7
"الكبير أوي 7" بطولة أحمد مكي، رحمة أحمد، بيومي فؤاد، مصطفى غريب، هشام إسماعيل، محمد سلام، سماء إبراهيم، حسين حجاج، حاتم صلاح، وغيرهم من الفنانين، بالإضافة إلى ظهور عدد من ضيوف الشرف، والعمل من إنتاج شركة سينرجي، تأليف مصطفى صقر، محمد عزالدين، وإخراج أحمد الجندي.
