مسلسل الكبير أوي 7 الحلقة الـ12.. شروق تلجأ للفضيحة من أجل كسب الأموال وجوني يكشف حقيقتها
قررت “شروق كلنا سوا” التي تلعب شخصيتها الفنانة آيتن عامر، اللجوء إلى الفضيحة من أجل الترويج لمنتج معين عن طريق السوشيال ميديا، وانتشار الفيديو عبر مواقع التواصل الاجتماعي وفي المقابل تكسب رفقة جوني الكثير من الأموال.
مسلسل الكبير أوي الجزء السابع الحلقه 12
وأبلغت “شروق كلنا سوا” الخطة التي سيقوم بها كلٍ من جوني وشروق من أجل انتشار الفيديو عبر السوشيال ميديا ويكسب الثنائي الكثير من الأموال بعد الترويج للمنتج، ودفع الرعاة الكثير من الأموال، وضمن هذه الخطة هو ضرب “شروق كلنا سوا” جوني بالقلم على وجهه وسط الجمهور والمعازيم، إلا أن جوني يرفض هذا، ويقرر الكشف عن المخطط.
ويتحدث جوني قائلًا: "معلش يا جماعة أنا اسف بوظت المشهد، سوري لو بوظت الإعلان واضح إني بوظت الإعلان وبوظت كل حاجة، بس خلاص مش فارقة، مبدأيًا كده اللحظة اللي انتوا شايفيني فيها دي دلوقتي هي أصدق لحظة في كاريري كله، كل اللي فات كان فيك، انا شاب عادي طالع في دماغي أعمل شوية فلوس وشير، قعدت ادور لايت المحتوى التافه أكتر حاجة بتحبوها بتموتي فيه، وأي حاجة ليها معنى بتعملولها سكرول، ودا اللي زقني على السكة دي، انتوا خلاص الموبايل بقي أفيونة عندكم أول ما تصحوا من النوم أول حاجة تبصوا عليها وبليل قبل ما تناموا آخر حاجة تشوفها الموبايل، وفي النص تشوفوا الناس اللي زيي انا وشروق، حياة تافهه فيك انتوا حابين تصدقوها، بقينا لما بنسافر بنسافر عشان نصور السفرية مش نستمتع بيها، ولما بنطلب الأكل بنصوره مش عشان ناكله، احنا بنستلذ باللايكات أكتر من الحياة الحقيقية، انزلوا اعملوا أي حاجة تانية، انزلوا اكتشفوا الطبيعية اللي ربنا خلقها، اتعلموا أي حاجة، النت لو قطع يوم من الأيام هتخلصوا".
وتقرر “شروق كلنا سوا”، تقديم شيكات جوني للشرطة، قائلًة: "اه جوني فاق، ولسه هيفوق أكتر، ويسمع المفاجأة الجديدة لما اطلع دلوقتي على القسم وأقدم الكمبيالات اللي بخمسة مليون جنيه اللي انت ماضيهوملي، وهوديك في ستين داهية وحياة أمي ما هسيبك".
مسلسل الكبير أوي 7 في رمضان 2023
"الكبير أوي 7" بطولة أحمد مكي، رحمة أحمد، بيومي فؤاد، مصطفى غريب، هشام إسماعيل، محمد سلام، سماء إبراهيم، حسين حجاج، حاتم صلاح، وغيرهم من الفنانين، بالإضافة إلى ظهور عدد من ضيوف الشرف، والعمل من إنتاج شركة سينرجي، تأليف مصطفى صقر، محمد عز الدين، وإخراج أحمد الجندي.
