رانيا يوسف: «كسّرت موبايل جوزى السابق عشان كان بيتشاقى»

كشفت الفنانة رانيا يوسف، عن عدد من أسباب مشاكلها مع زوجها السابق.

وقالت "يوسف"، خلال لقائها ببرنامج "العرافة"، والمُذاع عبر فضائية "النهار"، مع الإعلامية بسمة وهبة، مساء اليوم الجمعة: "كسرت التليفون لطليقي عشان كان بيتشاقى، كده وبيعمل شوية شقاوة، ولسه بفكر في لاعب الكورة إللى اتقدم ليا". 

وأضافت: "موضوع الجواز بالنسبة ليا دلوقتي لأ لسه غير مطروح، هو أصغر مني بكتير مفيش مشكلة، بس مبدأ الجواز مرفوض عندي، أصغر أكبر الموضوع ده انتهى بالنسبة ليا".

وتابعت: "أنا عايشة مع بناتي وأهلي وقططي وكلابي وصحابي، ومحدش هددني بالقتل".

وأكملت في سخرية: "هو قالي لو موفقتيش هنحط السيخ المحمي في صرور ودنك، أنا بهزر، هو رفض إني أقوله مش عايزه أكمل في العلاقة دي ومش مرتاحة وسعيدة، ومش حاسة إني أقدر أكمل، بعد 10 شهور من التعارف".