أول تعليق من زيزو بعد الخسارة أمام بيراميدز: «عمرى ما عرفت أهرب»

علّق أحمد سيد زيزو، جناح نادي الزمالك، على خسارة فريقه أمام بيراميدز في بطولة كأس مصر نسخة موسم 2021/ 2022.

وودع الزمالك بطولة كأس مصر نسخة الموسم الماضي، من الدور نصف النهائي، بعد الخسارة أمام بيراميدز بركلات الترجيح بعد التعادل في الوقتين الأصلي والإضافي بهدف لكل فريق.

أحمد سيد زيزو سدد الركلة الأولى للزمالك، وحاول لعبها على طريقة بانينكا الشهيرة، ولكن الحارس أحمد الشناوي نجح في إبعاد الكرة، كما أهدر محمود عبدالرازق شيكابالا، قائد الزمالك، ركلة الجزاء الأخيرة لفريقه ليتأهل بيراميدز لنهائي كأس مصر للمرة الأولى في تاريخه.

وكتب زيزو، عبر حسابه على منصة التدوينات القصيرة "تويتر": "أولًا الحمد لله وقدر الله ما شاء فعل، زي ما بتبقى مبسوط بالدعم والحب والمساندة لازم كمان تتقبل الوجه الآخر السيئ وهي دي ضريبة الحياة والمسئولية، تقدر تخليك فى يوم أحسن واحد فالدنيا وتقدر تخلي الناس تنسي كل حاجة أنت ممكن تكون عملتها، عشان كده واجب عليا فالمواقف والظروف دي أني أعتذر، عمري ما عرفت أهرب ولا أستخبي من أي حاجة ولا عمري هعمل كده، تقبل أو ترفض دا من حقك ولكن كان واجب عليا تقديم الاعتذار زي ما دايما بقدم الشكر على الحب".

وتابع: "قادر أتحمل المسئولية كاملة وقادر كمان أعديها، لكن خليكوا ف ضهر ناديكم ولاعبيكم، لأن في المواقف الصعبة بتبان فعلًا معادن الرجال، شكرًا".

ويلتقي الزمالك مع نظيره الأهلي في مباراة الجولة الـ14 لبطولة الدوري المصري الممتاز، يوم السبت المقبل في الثامنة والنصف مساءً.

ويتصدر الأهلي ترتيب الدوري الممتاز برصيد 31 نقطة، وبفارق 4 نقاط عن فيوتشر صاحب المركز الثاني وأقرب ملاحقيه، فيما يحتل الزمالك المركز الثالث في الترتيب برصيد 26 نقطة.