ست الحبايب السبب.. لبلبة تبكي خلال تكريمها في مهرجان القاهرة السينمائي

استعادت الفنانة لبلبة ذكرياتها مع والدتها بعد تكريمها بجائزة الهرم الذهبي لإنجاز العمر من مهرجان القاهرة السينمائي الدولي في دورته الـ 44، برئاسة الفنان حسين فهمي في الدورة التي تحل اسم الفنان الراحل سمير صبري.

وقالت لبلة باكية، خلال كلمتها على المسرح: "في الكواليس كنت الاقي والدتي بتشجعني مفيش مرة طلعت المسرح من غير ما تكون موجودة في الكواليس ولما كانوا يعلنوا عن مهرجان القاهرة تقولي انتي هاتتكرمي المرة دي ما يكونش فيه نصيب، والدورة اللي بعدها تقولي انتي هاتتكرمي المرة دي انتي اكتر واحدة اشتغلتي وما اتكرمش ودلوقتي أنا بحقق لها أمنية وهي مش موجودة وأنا بتكرم النهاردة".

يوم ولادتها 

وأضافت: "والدتي كانت حامل في وبتتفرج على فيلم في السينما وجالها وجع الولادة وبسرعة لحقوها لو ماكنوش لحقوها كنت هاتولد في السينما وأنزل على الأرض"، متابعة: " كان يوم زي النهارد 13 نوفمبر الساعة 12 بالظبط لما اتولدت".

وفاجئها النجوم بقاعة المسرح الكبير بالغناء لها احتفالًا بعيد ميلادها والذي قابلته بالبكاء والامتنان لزملائها.